کویت اور خلیجی ممالک میں خراب موسم کی پیشنگوئی

کویت اردو نیوز 20 مئی: کویت سمیت دیگر خلیجی ممالک میں پچھلے دو دنوں سے ریت کے طوفان کی وجہ سے حد نگاہ کم ہو رہی ہے۔

تفصیلات کے مطابق گزشتہ دنوں میں کویت اور خلیج کے دیگر ممالک 40 کلومیٹر تک چلنے والی شمال مغربی ہواؤں کی وجہ سے شدید متاثر ہوئے خاص طور پر کار سواروں کو سڑکوں پر حد نگاہ میں کمی کا سامنا کرنا پڑا جو چند سو میٹر تک نیچے آ گیا۔ دوسری جانب حکام نے کہا ہے کہ گرد آلود موسم آئندہ ہفتے تک جاری رہنے کا امکان ہے۔ اس کی روشنی میں کئی ایڈوائزری جاری کی گئی ہیں جن میں رہائشیوں سے کہا گیا ہے کہ وہ درج ذیل تجاویز کو ذہن میں رکھ کر ان حالات میں محفوظ رہیں۔

دھول بھرے موسم میں محفوظ رہنے میں آپ کی مدد کے لیے اہم نکات:

1. گرد آلود موسم میں گاڑی چلانے سے پہلے اس بات کو یقینی بنائیں کہ آپ کی گاڑی کی تمام ہیڈلائٹس اچھی طرح سے کام کرتی ہیں۔
2. براہ کرم گرد آلود موسم میں گاڑی چلاتے وقت محتاط رہیں اور اپنی اور دوسروں کی حفاظت کے لیے لین بدلتے وقت اپنی رفتار کم رکھیں۔
3. اگر گاڑی چلاتے ہوئے موسم دھول آلود ہو جائے تو اپنی گاڑی کی کھڑکیاں بند کریں اور ائیر کنڈیشن کو آن کریں۔
4. اٹھنے والی دھول کی وجہ سے کم افقی نمائش سے آگاہ رہیں۔
5. اپنے اور اپنے سامنے والی گاڑی کے درمیان مناسب فاصلہ رکھنے کو یقینی بنائیں۔
6. اگر آپ سینے کی بیماریوں میں مبتلا ہیں تو باہر نکلنے سے گریز کریں۔
7. تعمیراتی جگہوں، درختوں کے پاس چلنے سے گریز کریں۔
8. گھروں کی دروازے اور کھڑکیوں کو مضبوطی سے بند رکھیں اور آتش گیر اشیاء کو اس وقت تک ہٹا دیں جب تک کہ موسمی حالات مستحکم نہ ہوں۔