کویت اردو نیوز 14 جولائی: انشورنس کمپنیوں نے بزرگ شہریوں کے لئے ٹریول انشورنس جاری کرنے سے انکار کردیا۔
تفصیلات کے مطابق قابل اعتماد ذرائع نے روزنامہ الانباء کو خصوصی بیانات دیتے ہوئے کہا کہ "کویت مسافر” ایپلی کیشن کا 75 سال اور اس سے زیادہ عمر کے شہریوں کے سفر کی منظوری سے انکار کا کوئی تعلق نہیں ہے بلکہ یہ معاملہ انشورنس کمپنیوں کا ہے جو بزرگ شہریوں کے لئے ٹریول انشورنس جاری کرنے سے انکار کرتے ہیں۔ ذرائع نے بتایا کہ یہ معاملہ انشورنس کمپنیوں پر منحصر ہے جن میں سے کچھ کمپنیاں بزرگوں کا بیمہ نہیں کرتی ہیں۔ "کویت مسافر” پلیٹ فارم کا انشورنس سے کوئی تعلق نہیں ہے لیکن
کویتی شہریوں کے بیرون ملک سفر کی شرائط کے تحت "ٹریول انشورنس” ضروری ہے بشرطیکہ وہ بیرون ملک علاج معالجے کے اخراجات کو پورا کریں۔ سفری شرائط میں کویت سے روانہ ہونے والی پروازوں میں کسی مسافر کو سفر کی اجازت نہیں دی جائے گی جب تک کہ وہ "کویت مسافر” پلیٹ فارم کو فعال نہ کرلیں۔
سفر سے قبل شہریوں کو ٹریول انشورنس بھی فراہم کرنا ہوگی اس کے علاوہ غیر ویکسین شدہ کویتی شہریوں کو سفر کرنے کی اجازت نہیں دی جائے گی۔ یکم اگست سے مخصوص عمر کے گروپوں کو چھوڑ کر وہ لوگ جو ویکسی نیشن سے مشروط نہیں ہیں کیونکہ وہ صحت کی وجوہات کی بناء پر ویکسین لینے سے قاصر ہیں مثلاً بیمار اور حاملہ خواتین وہ متعلقہ پابندی سے آزاد ہیں وہ بیرون ملک سفر کرسکتے ہیں۔
