کویت اردو نیوز،5ستمبر: سعودی دارالحکومت ریاض میں شاہ عبدالعزیز سینٹر فار ورلڈ کلچر اثرا کے تعاون سے نیشنل میوزیم میں اپنی نوعیت کی پہلی نمائش کا آغاز کر دیا گیا ہے، جس میں ہجرت نبوی آنحضرت صلی اللہ علیہ والہ وسلم کے اہم تاریخی واقعات کو مختلف ماڈلز اور تھری ڈی اسکرینز کی مدد سے اجاگر کیا گیا ہے۔
ہجرت مدینہ نے تاریخ کا دھارا بدل کر رکھ دیا اور اسلامی ریاست کی بنیاد رکھی، جسکے بعد سے ہجری تقویم کا آغاز ہوا۔
نمائش میں ان نمونوں کے بارے میں سب سے اہم دستیاب معلومات کا احاطہ کیا گیا ہے، جو عمومی طور پر پیغمبر اسلام (ص) کے ورثے کے تنوع کی عکاسی کرتی ہے۔
نمائش میں ہجرت مدینہ کے قدیم راستوں کی نشاندہی سمیت نبی کریم صلی اللہ علیہ وآلہ وسلم کے نعلین مبارک کے پہلے عکس اور نعلین ماڈل کو بھی رکھا گیا ہے، اس کے علاوہ عرب کی قدیم تہذیب کو بھی اجاگر کیا گیا ہے۔ یہ نمائش 30 دسمبر تک جاری رہے گی
