کویت: وزراء کونسل کوئی بھی فیصلہ نہ لے سکی

کویت اردو نیوز 21 ستمبر: وزراء کونسل کے اجلاس کے نتائج اور فیصلے میں آج بھی کوئی پیش رفت نہ ہو سکی۔

تفصیلات کے مطابق روزنامہ الرای کے باخبر ذرائع کی رپورٹ کے مطابق آج بروز پیر وزراء کونسل کا باقاعدہ اجلاس منعقد کیا گیا جس میں کئی اہم فیصلے متوقع تھے تاہم آج کے اجلاس میں بھی 34 ممنوعہ ممالک کی فہرست میں کوئی ترمیم نہیں کی گئی اور ان پر تا حال پابندی برقرار ہے جبکہ قرنطین کی مدت کو 14 دن سے کم کرنے کے فیصلے پر بھی کوئی پیش رفت نہ ہو سکی۔

واضح رہے کہ ممنوعہ ممالک کی فہرست میں اس وقت 34 ممالک شامل ہیں جبکہ ملک میں آنے والے افراد کے لئے قرنطین کی مدت 14 دن ہے۔