کویت اردو نیوز ، 28 اکتوبر 2023: سعودی محکمہ پاسپورٹ نے کہا ہے کہ ٹریفک قوانین کی خلاف ورزی پر جرمانے ادا کیے بغیر اقامہ کی تجدید ممکن نہیں۔
عاجل ویب سائٹ کے مطابق محکمہ پاسپورٹ سے پوچھا گیا کہ ‘کیا ٹریفک کی خلاف ورزیوں پر جرمانہ ادا کیے بغیر اقامہ کی تجدید کی جا سکتی ہے؟’
محکمہ پاسپورٹ کا کہنا تھا کہ ‘یہ معلوم ہونا چاہیے کہ جرمانے کی ادائیگی اور دیگر اعتراضات دور کیے بغیر اقامہ کی تجدید نہیں ہو سکتی’۔
محکمہ پاسپورٹ کا کہنا ہے کہ اقامہ کی تجدید کے لیے کچھ شرائط ہیں جن میں اقامہ کی تجدید کی فیس کی ادائیگی، تاخیر کی صورت میں جرمانے کی ادائیگی، ٹریفک کی خلاف ورزی پر جرمانے کی ادائیگی شامل ہیں۔
محکمہ کے پاسپورٹ سسٹم میں کارکن کی تصویر اور فنگر پرنٹس کا ریکارڈ بھی ضروری ہے۔ اگر 15 سال سے زیادہ عمر کے خاندان کے افراد رہائش کی تجدید میں شامل ہیں تو ان کی تصویر اور فنگر پرنٹ کا ریکارڈ بھی سسٹم میں ہونا چاہیے۔
اقامہ کی تجدید کے دوران کارکن کا درست پاسپورٹ، سعودی عرب میں موجودگی بھی ضروری ہے۔
نیز، جس کارکن کے خلاف بدسلوکی کی رپورٹ درج کی گئی ہو، اس کے اقامہ کی تجدید نہیں کی جا سکتی۔
