کویت اردو نیوز ، 29 اکتوبر 2023: سعودی خلائی ایجنسی میں منصوبہ بندی کے سربراہ انجینئر محمد القاسم نے توقع ظاہر کی ہے کہ 2030 تک 15 ہزار سے زائد سیٹلائٹس خلا میں بھیجے جائیں گے۔اس وقت تقریباً سات ہزار سیٹلائٹس کام کر رہے ہیں۔
انجینئر محمد القاسم نے کہا کہ مصنوعی سیاروں کی مانگ میں مسلسل اضافہ ہو رہا ہے۔ سعودی خلائی ایجنسی اور وزارت سرمایہ کاری کی کوششوں سے سیٹلائٹ کے شعبے میں پہلی غیر ملکی سرمایہ کاری کو محفوظ بنانے میں کامیابی ملی ہے۔ چینی کمپنی اے اسپیس سرمایہ کاری کر رہی ہے۔
انہوں نے کہا، "اس وقت پوری دنیا میں خلائی شعبے میں بڑی تبدیلی آ رہی ہے۔ سالانہ ترقی کی شرح 5% ہے۔ خلائی معیشت 2040 تک ٹریلین ریال کی حد کو عبور کر لے گی۔”
چین کی ایک بڑی کمپنی A-Space نے جدید سیٹلائٹ بنانے کے لیے ایک فیکٹری کے لیے مملکت میں ایک ارب ریال کی سرمایہ کاری کی ہے۔ کمپنی اگلے مرحلے میں سرمایہ کاری کے حجم میں اضافہ کرے گی۔
