کویت اردو نیوز : دنیا کے طویل اور پست قامت افراد کے درمیان ملاقات توجہ کا مرکز بن گئی
دنیا کے سب سے زیادہ لمبے اور سب سے چھوٹے فرد کی چھ سال بعد کیلیفورنیا میں دوبارہ ملاقات سب کی توجہ کا مرکز بن گئی ہے ، اس سے قبل دونوں کی پہلی ملاقات مصر میں ہوئی تھی۔
جاری کردہ تصاویر میں ترکی سے تعلق رکھنے والے 41 سالہ سلطان کوسین (اونچائی 8 فٹ 2 انچ) کو ہندوستان سے تعلق رکھنے والی 30 سالہ جیوتی امگے (اونچائی 2 فٹ 0.7 انچ) کے ساتھ بیٹھے ہوئے دیکھا جا سکتا ہے۔
سلطان کوسین اور جیوتی امگے کے درمیان ملاقات کی تصاویر ترکی کی انادولو نیوز ایجنسی نے جاری کی ہیں۔ تاہم یہ واضح نہیں ہے کہ امریکہ میں اس ملاقات کا اہتمام کس نے کیا تھا۔
جاری کردہ ایک تصویر میں دیکھا جا سکتا ہے کہ سلطان کوسین اپنے جوتے کے ساتھ جیوتی کی سطح پر بیٹھے ہیں اور جیوتی ان کے جوتے سے قدرے اونچی ہے۔ جب کہ ایک اور تصویر میں دیکھا جا سکتا ہے کہ سلطان کوسین ایک ہی سطح پر بیٹھے ہوئے ہیں لیکن جیوتی بمشکل ان تک پہنچ پا رہی ہیں۔
