کویت اردو نیوز : واٹس ایپ ایک ایسا فیچر متعارف کروا رہا ہے جو صارفین کے لیے ایک بڑے سردرد کا حل ثابت ہوگا۔ اس فیچر کے تحت میٹا کی ملکیت والی میسجنگ ایپ میں رابطوں کے لیے فیورٹ ٹیب شامل کیا جائے گا۔
اس فیچر کے ذریعے صارفین کو واٹس ایپ میں اپنے پسندیدہ رابطوں کو ایڈ یا ڈیلیٹ کرنے کی سہولت ملے گی ، WABetaInfo کی اطلاع ہے کہ یہ فیچر اینڈرائیڈ ڈیوائسز کے لیے واٹس ایپ کے نئے بیٹا ورژن میں متعارف کرایا گیا ہے۔
یہ فیچر ویڈیو اور وائس کالز کیلیے بھی مددگار ثابت ہوگا۔
اس طرح آپ کے لیے ان لوگوں تک رسائی حاصل کرنا آسان ہو جائے گا جن سے آپ اکثر رابطے میں رہتے ہیں اور رابطوں کو اسکرول کرنے کی ضرورت نہیں پڑے گی۔
یہ کہنا مشکل ہے کہ یہ فیچر کب تک صارفین کے لیے دستیاب ہو گا لیکن بظاہر یہ سب سے پہلے اینڈرائیڈ صارفین کے لیے متعارف کرایا جائے گا۔ رپورٹ میں کہا گیا ہے کہ اس فیچر پر ابھی کام کیا جا رہا ہے اور یہ بیٹا صارفین کے لیے دستیاب نہیں ہے۔
