کویت اردو نیوز : سورج کو مکمل طور پر ڈھانپنے اور اپریل کے شروع میں اسے گرہن لگانے کے بعد، چاند اب اپنا رنگ بدلنے کے لیے تیار ہے۔ آئندہ چند دنوں میں چاند آسمان پر ایک نیا روپ دھارے گا اور اس بار وہ ’گلابی‘ رنگ میں نظر آئے گا۔
اپریل 2024 کا پورا چاند منگل کی شام 23 اپریل 2024 کو نظر آئے گا۔ منگل کی رات آسمان پر طلوع ہونے والا چاند دراصل ہماری آنکھوں کو گلابی نہیں لگے گا۔ اس کے بجائے یہ افق کے قریب ہلکے سے سنہری نظر آئے گا اور پھر اپنی شاندار سفیدی پر واپس آئے گا۔
امریکی خلائی ادارے "ناسا” کا کہنا ہے کہ ہماری نظروں میں چاند پیر کی صبح سے جمعرات کی صبح تک تقریباً تین دن تک مکمل طور پر نظر آئے گا۔
صدیوں سے، دنیا بھر میں لوگوں نے مہینوں کے نام فطرت کی نشانیوں پر رکھے ہیں۔ اسی لیے ہر پورے چاند کا اپنا نام ہوتا ہے۔
اپریل کےپورےچاندکو "گلابی” چاند کےنام سےپہچاناجاتا ہے، جس کو کائی جیسی جڑی بوٹی کےنام سے منسوب کیاجاتا ہے، جس کو کریپنگ فلوکس، ماس فلوکس یاپھر ماؤنٹین فلوکس بھی کہاجاتاہے۔ یہ مشرقی ریاستہائے متحدہ کا ایک پودا ہے جس میں موسم بہار کے ابتدائی وسیع پیمانے پر کھلتے ہیں۔
یہ عمل عام طور پر اس وقت ہوتا ہے جب چاند افق کے قریب ہوتا ہے اور جب سورج کی روشنی چاند سے زمین کی طرف منعکس ہوتی ہے اور فضا میں بادلوں، گردوغبار، دھوئیں یا فضائی آلودگی کے ذریعے فلٹر ہوتی ہے۔ ‘Moon illusion’ نامی اثر کی وجہ سے، چاند افق کے قریب بڑا دکھائی دے سکتا ہے۔
