کویت اردو نیوز 17 جنوری: جزیرا ایئرویز نے "ایئربس A 320 neo” سے ایک نئے طیارے کی ترسیل حاصل کر لی۔
تفصیلات کے مطابق جزیرا ایئر ویز کو ایک نیا "ایئربس اے 320 نیو” موصول ہو گیا ہے جس سے اس کے بیڑے میں طیاروں کی کُل تعداد 15 ہو گئی ہے۔ نیا طیارہ ہفتے کے روز کویت بین الاقوامی ہوائی اڈے پر پہنچا۔ جزیرہ ائیرویز کے سی ای او روہت رام چندرن نے کہا کہ "ہمیں اپنے بیڑے میں اس نئے طیارے کا خیرمقدم کرنے پر خوشی ہے۔ گذشتہ احکامات کے بعد سال 2021 کے لئے یہ نیا طیارہ ہے جو سال کے دوران دیگر موصول ہونے والے طیاروں میں پہلا طیارہ ہے۔”
انہوں نے مزید کہا کہ "کوویڈ ۔19 وبائی بیماری کی وجہ سے گذشتہ سال کے آغاز سے ہی سول ایوی ایشن کے شعبے کو درپیش چیلنجوں کے باوجود ہمیں یقین ہے کہ ٹریولنگ کا شعبہ صحت اور حفاظت کے اقدامات کی کامیابی کی بدولت آہستہ آہستہ اپنی پہلی حالت میں واپس آجائے گا اور سفر کو سب کے لئے محفوظ بنا دیا جائے گا۔ "
اے 320neo ایندھن کی بچت کے ساتھ ساتھ لمبی فلائٹ، اضافی پے لوڈ، انجن کے شور کو کم کرنے اور آپریٹنگ اخراجات کو کم کرنے کی صلاحیت رکھتا ہے۔ یہ طیارہ جزیرا ایئرویز کے کیبنز کے ڈیزائن سے لیس ہے جس میں چمڑے کی منفرد نشستیں ہیں۔
جزیرا ایئرویز پندرہ ایئربس طیاروں کا بیڑا چلاتی ہے ان میں سے نو A320 اور چھ A320neo ہیں۔ جزیرا ائیرویز 2021 میں مزید تین نئے A320neo طیاروں کی فراہمی کا منصوبہ رکھتی ہے۔
