کویت وزارت داخلہ کا ملک میں غیرملکیوں کے داخلے سے متعلق اہم بیان

کویت اررو نیوز 05 فروری: 06 ماہ سے زیادہ بیرون ملک پھنسے غیر ملکی کویت میں داخل ہو سکتے ہیں بشرطیکہ ان کا رہائشی اقامہ جائز ہو۔ والدین کو فیملی ویزوں پر منتقل کرنے پر فی الحال کوئی مطالعہ نہیں کیا جارہا: وزارت داخلہ رہائشی امور

روزنامہ الجریدہ کی رپورٹ کے مطابق ریذیڈنسی امور کے ڈائریکٹر جنرل بریگیڈیئر جنرل حمد التوالہ کا کہنا ہے کہ COVID-19 کی وجہ سے 12 مارچ 2020 سے 10 جنوری 2021 کے دوران ملک سے باہر پھنسے ہوئے جن تارکین وطن کے رہائشی اقامے ختم ہوچکے ہیں ان کی تعداد 182،393 ہوگئی ہے۔ التوالہ نے تصدیق کی کہ آن لائن خدمات کی موجودگی اور خلاف ورزی کرنے والوں کی حیثیت میں ترمیم کرنے کے فیصلے کی روشنی میں ریزیڈنسی کی خلاف ورزی کرنے والوں کی تعداد میں کمی واقع ہوئی ہے۔

ایک پریس بیان میں بریگیڈیئر جنرل التوالہ نے واضح کیا کہ ان تارکین وطن کے لئے جن کا رہائشی اقامہ ملک سے باہر رہتے ہوئے ختم ہو گیا تھا اور ملک اس وقت وائرس کے پھیلاؤ کی وجہ سے جن حالات سے گزر رہا ہے یہ بات ضروری ہے کہ وزراء کی مجلس اپنا فیصلہ نمبر 1016/2020 جاری کرے جس میں "کورونا ہنگامی صورتحال کے لئے وزارتی کمیٹی کی منظوری کے علاوہ تمام قومیتوں کے لئے ہر قسم کے انٹری ویزا نہ دینے پر زور دیا گیا ہے”۔

فیصلے کے مطابق کفیل کو اپنے ملازمین کے لئے انٹری ویزا جاری کرنے کے لئے کمیٹی کی منظوری حاصل کرنا ہوگی۔ جب ملازمین ملک میں داخل ہوں تو انہیں اپنے آجروں کی کفالت کے تحت مطلوبہ رہائش فراہم کی جانی چاہئے۔

ایسے رہائشیوں کے بارے میں جو جائز رہائشی اقامہ رکھتے ہیں اور ملک سے باہر قیام چھ ماہ سے تجاوز کرنے کی وجہ سے ان کی رہائشی حیثیت ضبط کر لی جاتی ہے کے بارے میں بریگیڈیئر جنرل التوالہ نے کہا کہ "ریذیڈنسی امور کے محکمہ اور انفارمیشن سسٹمز ڈیپارٹمنٹ کے مابین چھ مہینوں تک کام معطل کرنے کے بارے میں رابطہ کاری جاری ہے۔ انہوں نے کہا کہ ایسے رہائشی اپنے اقامے کی میعاد کی مدت کے دوران ملک میں داخل ہوسکتے ہیں یہاں تک کہ اگر ان کا قیام ملک سے باہر چھ ماہ سے زیادہ ہو چکا ہے۔

التوالہ نے انکشاف کیا کہ اپریل 2020 سے 31 دسمبر 2020 تک کی رعایتی مدت سے فائدہ اٹھانے والوں کی تعداد 69،427 ہوگئی ہے۔ ایک اور سوال کے جواب میں انہوں نے کہا کہ والدین کو فیملی ویزوں کے اجراء کے بارے میں سوشل میڈیا پر نشر ہونے والی تمام خبریں افواہیں ہیں ہم اس سلسلے میں کوئی مطالعہ نہیں کر رہے ہیں اور اس معاملے کے بارے میں فی الحال کوئی فیصلہ نہیں لیا گیا ہے۔”