کویت اردو نیوز 02 مارچ: دوران ڈرائیونگ موبائیل فونز استعمال کرنے والوں کے لئے جرمانوں میں اضافہ کرنے کی تجویز پیش کر دی گئی ہے۔
تفصیلات کے مطابق ڈرائیونگ کے دوران فون استعمال کرنے پر وزارت داخلہ کی جانب سے اب سخت سزائیں دی جائیں گی۔ روزنامہ الرای کے ذرائع سے حاصل کردہ ایک سرکاری اعدادوشمار نے انکشاف کیا ہے کہ غیر ذمہ دارانہ انداز میں گاڑی چلانے کی 20،880 خلاف ورزیاں ریکارڈ کی گئیں جبکہ دوران ڈرائیونگ موبائل فون استعمال کرنے کی 29،062 خلاف ورزیاں ریکارڈ کی گئیں۔ دوسری جانب ایک لمبے عرصے کے دوران ملک میں کئی ماہ تک جاری رہنے والے کرفیو کا مشاہدہ کرتے ہوئے گذشتہ سال جس میں سڑک کے استعمال کی شرح اور خلاف ورزیوں و ٹریفک حادثات کی رجسٹریشن میں کمی واقع ہوئی اس کے باوجود اتنی خلاف ورزیوں کے معاملات تشویشناک ہیں۔
قوانین کی خلاف ورزی کرتے ہوئے ڈرائیونگ کے دوران فون استعمال کرنے والی مشہور شخصیات کے بارے میں "الرای” کے ذریعہ شائع ہونے والے آرٹیکل کے رد عمل میں وزارت داخلہ کے اسسٹنٹ سیکرٹری برائے ٹریفک اور آپریشن سیکٹر میجر جنرل جمال الصائغ نے تصدیق کی کہ تمام ٹریفک اور ہنگامی فورسز کو فون استعمال کرنے والے صارفین کو برداشت نہ کرنے کی واضح اور براہ راست ہدایات دی گئی ہیں۔
جمال الصائغ نے الرای کو ایک بیان میں کہا کہ "ہمارے پاس موبائل فون استعمال کرنے والوں کی نگرانی کرنے کے ایک سے زیادہ طریقے موجود ہیں چاہے وہ سڑکوں پر تعینات گشت کے ذریعہ روکے جائیں یا کیمروں سے ان کی نگرانی کی جائے اور ایسی صورت میں جب کوئی بھی شہری یا غیر ملکی ویڈیو پوسٹ کرتا ہے اور اسے سوشل نیٹ ورکنگ سائٹوں پر دیکھا جاتا ہے کہ وہ گاڑی چلارہا ہے وہ فوری طور پر طلب کر لیا جائے گا اور اس کے خلاف کارروائی کی جائے گی۔
انہوں نے عوام سے مطالبہ کیا کہ جو کوئی بھی خلاف ورزی کا مرتکب ہوا اس کی فوری طور پر تصویر بنائیں اور (واٹس ایپ) کے ذریعے ٹریفک کے جنرل ڈائریکٹر کو بھیجیں تاکہ خلاف ورزی کرنے والے کے خلاف ضروری قانون اقدامات اٹھائے جا سکیں۔
جمال الصائغ نے نئے ٹریفک بل کی اہمیت پر بھی زور دیا جو قومی اسمبلی میں خلاف ورزی کرنے والوں کے خلاف پیش کیا گیا ہے۔ نئے بل میں خاص طور پر چونکہ فون کے استعمال کی خلاف ورزی کا جرمانہ 5 دینار سے ذیادہ نہیں ہے اور یہ ہی اس مسئلے کے حل میں اصل رکاوٹ بن رہا ہے لہذا نئے قانون میں جرمانہ تقریبا 75 دینار تک کرنے کی تجویز پیش کی گئی ہے۔
