کویت ائیرپورٹ روڈ جمعہ کی رات بند رہے گا

کویت اردو نیوز 10 مارچ: کویت ائیرپورٹ روڈ جمعہ کی رات کو بند کردیا جائے گا: پبلک اتھارٹی برائے روڈز اینڈ لینڈ ٹرانسپورٹ

تفصیلات کے مطابق پبلک اتھارٹی برائے روڈز اینڈ لینڈ ٹرانسپورٹ کے بیان کے مطابق جمعہ کی درمیانی شب میں ائیرپورٹ روڈ کو بند کردیا جائے گا۔ اتھارٹی نے بتایا کہ جمعہ رات 2 بجے 55 نمبر ائیرپورٹ روڈ دونوں سمتوں سے بند کی جائے گی۔ روڈ کو بند کرنے کی وجہ پیدل چلنے والا پل جو فروانیہ بلاک 6 کراؤن پلازہ ہوٹل اور خیطان کو لنک کرتا ہے اس کے پہلے حصے کو بلند کرنا ہے۔

اتھارٹی نے بتایا کہ پل کو اٹھانے کا کام صبح چھ بجے تک جاری رہے گا اور ٹریفک کو دونوں سمتوں میں 6th رنگ روڈ کی طرف موڑ دیا جائے گا۔