کویت: وزارت تعلیم نے غیرملکی اساتذہ کو بھرتی کرنے کا فیصلہ کر لیا

کویت اردو نیوز 29 اپریل: ایک بار پھر غیر ملکی اساتذہ کی خدمات حاصل کرنے کا فیصلہ کر لیا گیا ہے۔

روزنامہ الرای کی شائع کردہ رپورٹ کے مطابق وزارت تعلیم کے انتظامی شعبے (MOE) نے سول سروس کمیشن (CSC) سے درخواست کی ہے کہ وہ گذشتہ مالی سال کی خالی نشستوں اور عہدوں کے لئے غیر ملکی اساتذہ کی خدمات حاصل کرنے پر عائد پابندی ختم کردے۔

تعلیمی شعبے کے ذرائع نے انکشاف کیا ہے کہ وزارت کو اگلے تعلیمی سال 2021 اور 2022 میں خصوصی ضرورت والے اسکولوں کے اساتذہ سمیت متعدد ماہر تارکین وطن اساتذہ کے لئے لگ بھگ 300 سلاٹ کی ضرورت ہے۔ اگر درخواست منظور ہوجاتی ہے تو آئندہ تعلیمی سال کے لئے مطلوبہ غیرملکی اساتذہ کی کل تعداد 600 ہوجائے گی۔