کویت میں افسوسناک واقعہ، دو بھارتی شہری ڈوبنے سے جاں بحق ہوگئے

کویت اردو نیوز 26 مارچ: کویت میں رہنے والے دو ہندوستانی شہری جو گزشتہ ہفتے کے آخر میں واٹر سپورٹس سرگرمیوں کے لیے کویت کے علاقے "خیران” گئے تھے کی چھوٹی کشتی الٹنے سے ڈوب گئے۔

سکیش وی پی اور جوزف متھائی جو لولو ایکسچینج کے لیے کام کرتے تھے اور جنوبی ہندوستان کی ریاست کیرالہ سے تعلق رکھتے تھے جمعہ کی شام خیران کے سمندر میں کیکنگ کر رہے تھے اور اچانک یہ افسوسناک واقعہ پیش آیا۔

44 سالہ سکیش کارپوریٹ مینیجر کے طور پر کام کر رہا تھا جبکہ 29 سالہ جوزف لولو ایکسچینج میں اکاؤنٹس ڈیپارٹمنٹ میں کام کرتا تھا۔ ایکسچینج ہاؤس نے دونوں ملازمین کے اہل خانہ سے دلی تعزیت کا اظہار کیا ہے۔