کویت اردو نیوز : ٹک ٹاک نے 20 سال سےکھوئی ہوئی جڑواں بہنوں کو دوبارہ ملادیاہے ۔
غیر ملکی میڈیا رپورٹس کے مطابق جارجیا کی رہائشی 21 سالہ انو سرطانیہ کو ایک دوست کی جانب سے ٹک ٹاک ویڈیو موصول ہوئی جس میں ایک نیلے بالوں والی خاتون کو دکھایا گیا جو انو سرتانیہ سے حیرت انگیز مشابہت رکھتی ہے۔
انو سرتانیہ سماجی رابطوں کی مختلف ویب سائٹس پر ٹِک ٹاک گرل سے رابطہ کرنے میں کامیاب ہوئیں جس کے بعد اس نے انکشاف کیا کہ ٹک ٹاک گرل ٹاکو اس کی جڑواں بہن ہے جو 20 سال قبل اس سے الگ ہو گئی تھی۔ اس طرح ٹک ٹاک کی مدد سے جڑواں بہنوں کو دو سال قبل جارجیا کے دارالحکومت تبلیسی کے رستاویلی پل پر دوبارہ ملایا گیا۔
غیر ملکی میڈیا رپورٹس کے مطابق 20 سال قبل تسخی کے چھوٹے سے گاؤں میں جڑواں بچوں کی پیدائش ہوئی تھی۔ بدقسمتی سے، ان کی ماں پیدائش کے وقت کوما میں چلی گئی اور ان کے والد نے دو بہنوں تکو اور انو کو جارجیا کے مختلف حصوں میں رہنے والے دو خاندانوں کو غیر قانونی طور پر فروخت کر دیا تھا ۔
