کویت اردو نیوز 01 اپریل: معمول کی زندگی میں واپسی کی فی الوقت کوئی امید نہیں: سرکاری ذرائع
روزنامہ القبس کی رپورٹ کے مطابق موجودہ صورتحال کے پیش نظر معمول کی زندگی میں واپسی جلد متوقع نہیں ہے۔ ملک میں کورونا وائرس کے سبب حالیہ صورتحال میں اموات اور انفیکشن کی بڑھتی تعداد کے باوجود ایک سرکاری عہدیدار نے انکشاف کیا ہے کہ اگلے جولائی میں معاملات معمول پر آنا شروع ہوجائیں گے۔
سرکاری عہدیدار نے زور دے کر کہا کہ کویت سے وعدہ کیا گیا ہے کہ متعدد ویکسین کی وسیع مقدار مہیا کی جائے گی اس کا مطلب یہ ہے کہ اینٹی کورونا ویکسین تیار کرنے والی کمپنیاں اپنی ویکسین کی فراہمی میں مزید اضافہ کریں گی جس سے ویکسین کا حصول تیز ہوگا اور وبا کے خلاف معاشرتی قوت مدافعت حاصل ہوگی۔
انہوں نے مزید کہا کہ اس سال کی دوسری سہ ماہی کے اختتام پر ویکسین کی فراہمی بہتر ہوگی لیکن صحت کی ضروریات ، سماجی دوری 2022 کے آخر تک جاری رہے گی۔
ہوائی اڈے کو بحال کرنے کے بارے میں سرکاری عہدیدار نے تصدیق کی کہ اگر شہریوں کی ویکسی نیشن مکمل ہو جاتی ہے تو ائیرپورٹ کھول دیا جائے گا جس سے یہ ملک پہنچنے پر انفیکشن کی منتقلی سے محفوظ رہیں گے۔
انٹرنیشنل ایئر ٹرانسپورٹ ایسوسی ایشن (IATA) نے گزشتہ بدھ کے روز اعلان کیا کہ کوویڈ 19 ٹیسٹوں اور ویکسی نیشن سرٹیفکیٹ کے نتائج کے لئے ڈیجیٹل ٹریول پرمٹ دو ہفتوں بعد اپریل کے وسط میں ایپل پلیٹ فارم پر لانچ کیا جائے گا۔ ڈیجیٹل ٹریول پرمٹ جو فی الحال اپنے آزمائشی مرحلے میں ہے توقع کی جارہی ہے کہ مارچ کے آخر تک اس کا آغاز ہوجائے گا۔