کویت اردو نیوز 21 فروری: ملک میں قومی تعطیلات منانے سے چند دن پہلے فارمز، کیمپنگ سائٹس اور شالے مکمل طور پر بک ہو گئے ہیں جس کی وجہ سے چھٹیوں میں ان مقامات کے کرایوں میں غیر معمولی اضافہ ہوا ہے۔ ذرائع نے قیمتوں میں اس اضافے کی وجہ آنے والی طویل تعطیلات اور کورونا وائرس سے متعلق صحت کے ضوابط میں نرمی بالخصوص اجتماعات کی اجازت دینے کے فیصلے کو قرار دیا۔
ذرائع میں نے مزید کہا کہ قومی دن اور یوم آزادی سے پہلے کے دنوں میں تین دن کے لیے کیمپنگ سائٹس کرائے پر لینے کی فیس 150 دینار سے 300 دینار تک ہوتی ہے جبکہ فارموں میں پورے دن کے دورے کی قیمتیں 80 دینار سے 120 دینار تک ہوتی ہیں۔ قومی یا یوم آزادی پر قیمتوں کے بارے میں پوچھے جانے پر ذرائع نے انکشاف کیا کہ کیمپنگ سائٹس کے کرایے کی فیس 180 دینار سے 350 دینار تک ہوتی ہے۔ یہ قیمتیں سائٹ کے سائز کے ساتھ ساتھ پیش کردہ خدمات اور گیمز پر منحصر ہوتی ہیں۔
ذرائع نے مزید کہا کہ قومی یا آزادی کے دن پر فارموں میں پورے دن کے دورے 150 دینار سے 200 دینار تک ہوتے ہیں اور ان قیمتوں کا انحصار ان فارم ہاؤسز میں پیش کردہ سروس اور سائز کو مدنظر رکھ کر طے کی جاتی ہیں۔
یاد رہے کہ کیمپنگ کے علاوہ فارم ہاؤسز اور شالے کویت کے ساحلی علاقے خیران میں واقع ہیں جو کویت سٹی سے تقریبا 110 کلومیٹر کے فاصلے پر واقع ہیں۔تمام کمرے ساحلی پٹی پر واقع ہیں جو مہمانوں اور چھٹیاں گزارنے کی غرض سے آنے والوں کو پرسکون سمندری نیلے پانی اور سمندر کے دلکش نظاروں سے لطف اندوز کرتے ہیں۔
خیران ریزورٹ مہمانوں کی مختلف ضروریات کو پورا کرتے ہوئے تین طرح کے مکمل فرنشڈ اور مکمل طور پر لیس رہائش فراہم کرتا ہے۔
