کویت اردو نیوز 03 جولائی: سعودی عرب دارالحکومت ریاض میں غروب آفتاب کے وقت لی گئی ایک تصویر نے سوشل میڈیا پر دنیا کو اپنی طرف متوجہ کیا ہے۔ تصویر میں بہ ظاہر ایسے لگتا ہے کہ
کوئی پرندہ اُڑ رہا ہے اور اس کی پشت پر بچہ بیٹھا ہے۔ اس جادوئی شارٹ میں نہ تو کوئی پرندہ ہے اور نہ اس کی پیٹھ پر کوئی بچہ ہے۔ یہ بادلوں کی غروب آفتاب کے وقت بننےوالی ایک تصویر ہے جس نے سوشل میڈیا صارفین کی توجہ اپنی جانب مبذول کرادی ہے۔ سعودی عرب کے ایک فوٹو گرافر عبدالکریم الماجد نے ’العربیہ ڈاٹ نیٹ‘ کو وضاحت کرتے ہوئے کہا کہ انہوں نے یہ تصویر اس وقت لی تھی جب وہ قصیم روڈ پر اپنی گاڑی میں ثادق گورنری میں چھٹیاں گزارنے جا رہے تھے۔ بادلوں کے منظر کے بارے میں انہوں نے کہا کہ
وہ اس تصویر کو یادداشت کے طور پر رکھنے کا ارادہ رکھتے ہیں لیکن ان کے دوستوں نے اس کی خوبصورتی کی وجہ سے اسے شائع کرنے کا مشورہ دیا اور یہ سوشل میڈیا پر کافی مقبول ہوئی ہے۔
انہوں نے کہا کہ مجھے اس تصویر کی اتنی مقبولیت کی توقع ہر گز نہیں تھی۔ ٹویٹرز پر وائرل ہونے والی اس تصویر کو رواں سال کی بہترین تصاویرمیں شامل کیا جا رہا ہے جبکہ کچھ صارفین نے ٹویٹ کی کہ بادلوں میں اس طرح کی شکلیں دیکھنے کی وجہ سائنسی زبان میں ایک نفسیاتی رجحان ہے جسے "پیریڈولیا” کہا جاتا ہے۔ انہوں نے وضاحت کی کہ یہ ایک ایسی حالت ہے جو دماغ کو بے ترتیب شکلوں کو ایک حقیقی حقیقت کے ساتھ جوڑنے کی طرف لے جاتی ہے۔
