کویت اردو نیوز : ناقابل واپسی کومے میں پڑی ہوئی ایک لڑکی اپنی ماں کا لطیفہ سن کر جاگ اٹھی ۔
ایک امریکی لڑکی جو پانچ سال قبل ایک کار حادثے کے نتیجے میں ’ناقابل واپسی کومہ ‘ میں چلی گئی تھی، اپنی ماں کا لطیفہ سن کر اچانک ہنستی ہوئی کومہ سے باہر آگئی۔
امریکی ریاست مشی گن سے تعلق رکھنے والی جینیفر فلیولن ستمبر 2017 ء میں کار حادثے کے بعد کومہ میں چلی گئیں۔
لیکن جینیفر فلیولن اپنی والدہ کے لطیفے پر ہنستے ہوئے اٹھی، اور اب ٹھیک ہو رہی ہے۔
ایک مقامی امریکی اخبار کو انٹرویو دیتے ہوئے جینیفر کی والدہ پیگی مینز نے کہا کہ جب وہ بیدار ہوئیں تو میں پہلے تو ڈر گئی کیونکہ وہ ہنس رہی تھی اور اسنے ایسا کبھی بھی نہیں کیا تھا۔
60 سالہ مسز مینز نے لوگوں سے کہا: ‘وہ جاگ گئیں، لیکن وہ پوری طرح سے بیدار نہیں تھیں، وہ بول نہیں سکتی تھیں، لیکن وہ سر ہلا رہی تھیں۔ وہ اب بھی بہت سوتی ہے، لیکن پھر جیسے جیسے مہینے گزرتے جائیں گے، وہ مضبوط اور زیادہ بیدار ہوتی جائے گی۔’
مشی گن میں میری فری بیڈ ری ہیبلیٹیشن ہسپتال میں جینیفر کے معالج ڈاکٹر رالف وونگ کا کہنا ہے کہ "یہ بہت نایاب ہے۔”
