کویت سٹی 11 جولائی: فروانیہ لاک ڈاؤن کے جلد ختم ہونے کی امید ہے۔
تفصیلات کے مطابق کویت قومی اسمبلی کے رکن علی سالم الدقباسي نے اپنے سوشل میڈیا اکاؤنٹ پر ٹویٹ کرتے ہوئے کہا کہ جب تمام بازار اور کمپلیکس ہر جگہ کھلے ہیں تو فروانیہ میں لاک ڈاؤن کو جاری رکھنا غیر منطقی ہے۔
انہوں نے کہا کہ یہ آزادی اور لوگوں کے مفادات میں خلل ڈالنے کی پابندی ہے۔ انہوں نے کہا کہ "سب سے خراب بات یہ ہے کہ دوسرے علاقوں میں متاثر ہونے والے افراد کی تعداد میں اضافہ ہو رہا ہے لیکن لاک ڈاؤن اب صرف فروانیہ ہی میں ہے۔”
توقع کی جا رہی ہے کہ کابینہ 21 جولائی 2020 کو علاقے کو اسی وقت کھولے گی تاکہ حکومت کی جانب سے زندگی کی بحالی کے لئے اعلان کردہ ‘پانچ مرحلے’ منصوبے کے تیسرے مرحلے کے آغاز کے ساتھ مل کر ‘کرفیو پیج’ کو مکمل طور پر بند کریں گے جو کہ اس مہینے کی 21 تاریخ کو متوقع ہے۔
یہ خبر بھی پڑھیں: وزارت صحت نے عوام سے اپیل کر دی
اس منصوبے کے تیسرے مرحلے میں جو 21 جولائی کو شروع کیا جائے گا اس میں سرکاری شعبے میں دوبارہ کام شروع کرنا شامل ہے جس میں ملازمین کی 50 فیصد صلاحیت کام ہو گی اس کے علاوہ جمعیہ سوسائٹیوں اور خریداری مراکز کا دورہ بار کوڈ سسٹم اور پہلے سے اجازت لینے کی ضرورت کے بغیر کرنا ہے۔
یاد رہے کہ کویت نے گذشتہ ہفتے جلیب اور مھبولہ کو لاک ڈاؤن سے ہٹا دیا تھا جبکہ فروانیہ کا علاقہ ابھی بھی لاک ڈاؤن میں ہے۔
حوالہ: کویت ٹو ڈے