کویت سٹی 24 جولائی: روزنامہ القبس کی رپورٹ کے مطابق رات 10 بجے سے صبح 4 بجے تک تجارتی پروازیں آپریٹ نہیں کی جائینگی۔
تفصیلات کے مطابق سرکاری ذرائع کے مطابق کویت کا بین الاقوامی ہوائی اڈہ صحت کے حکام کی ہدایت پر پہلے مرحلے کے آغاز میں رات 10 بجے سے صبح 4 بجے تک کوئی کمرشل پرواز آپریٹ نہیں کرے گا۔
ذرائع نے واضح کیا کہ کویت بین الاقوامی ہوائی اڈہ پر کام کرنے والی ایئر لائنز کے لئے کمرشل پروازوں کی روانگی اور آمد کا نظام الاوقات صبح 4 بجے کے بعد سے شروع ہوگا اور شام تک جاری رہے گا۔ 06 گھنٹے تک آپریشن معطل کی وجہ یہ ہے کہ طبی عملے کو تھوڑا آرام دیا جائے کیونکہ طبی عملہ مسلسل 24 گھنٹے آنے اور جانے والے مسافروں کی جانچ پڑتال نہیں کرسکتا۔
ذرائع نے زور دے کر کہا کہ ائیر کارگو فلائٹس درآمد شدہ سامان اور اشیاء کی نقل و حمل کا کام جاری رہے گا ایئر پورٹ اور تجارتی عملے کی لاجسٹک کاروائیاں بغیر رکے اپنے کام میں جاری رکھیں گی۔
یہ خبر بھی پڑھیں: امارات ائیر لائنز نے سب سے بڑا اعلان کر دیا
دوسری طرف کویت بین الاقوامی ہوائی اڈے پر کمرشل پروازوں کے آغاز کے ساتھ ہی کچھ ایئر لائنز ، ٹریول ایجنسیاں اور سیاحت کی ایجنسیوں نے
مسافروں کی روانگی اور آمد کی ریزرویشن منسوخ کردی ہیں کیونکہ کچھ ٹریول ایجنسیوں نے عمومی انتظامیہ برائے سول ایویئشن کے اگست کے مہینے کے لئے منظور شدہ نظام الاوقات اور 100 پروازوں میں روزانہ 10،000 مسافروں کی روانگی اور آمد کے فیصلے سے قبل ہی روانگی اور آمد کے لئے ریزرویشن کردی تھیں۔
انہوں نے اشارہ کیا کہ کچھ ایئر لائنز اور ٹریول ایجنسیاں سفری ٹکٹوں کو منسوخ کرنے کی ذمہ داری قبول کرینگی کیونکہ انہوں نے سول ایویئشن کے حتمی فیصلے کے بغیر ٹکٹ بک کئے جبکہ سول ایویشن نے کویت ہوائی اڈے پر چلنے والی ہر ایئر لائن کے آپریشنل کوٹے کی وضاحت کردی ہے۔ تجارتی پروازوں کے آپریشنل شیئرز ہوں گے۔ 50٪ قومی کیریئر کے لئے اور 50٪ لوکل اور بین الاقوامی کیریئر کے لئے ہوگا۔