کویت اردو نیوز 20 فروری: کویت کی جنرل ایڈمنسٹریشن فار نارکوٹکس کنٹرول نے کویت کے مختلف علاقوں سے 3 منشیات فروشوں کو گرفتار کر لیا ہے۔
ان منشیات فروشوں کے بارے میں اطلاع ملنے کے بعد نارکوٹکس کنٹرول نے ان افراد کی شناخت کی تصدیق کی اور انہیں گرفتار کرنے کی قانونی اجازت حاصل کی۔
پہلے منشیات فروش کے مکان کی تلاشی لینے پر آدھا کلو کرسٹل میتھ، شراب، 200 گرام چرس، 200 گرام چرس بنانےکا خام مال، 500 لیریکا گولیاں، کلاشنکوف کی گولیاں اور 3 ڈیجیٹل سکیل برآمد ہوئے۔
دوسرے شخص کو 1.100 کلو گرام چرس، 5 گرام کرسٹل میتھ، 10 لیریکا گولیاں، شراب اور ایک ڈیجیٹل سکیل کے ساتھ گرفتار کیا گیا جبکہ تیسری گرفتاری سے چوتھائی کلو چرس، چوتھائی کلو منشیات پاؤڈر، 150 گرام کرسٹل میتھ، 38 لیریکا گولیاں اور ایک ڈیجیٹل سکیل برآمد ہوا۔
دوسری خبر میں وزارت داخلہ نے سالمی سکریپ ایریا میں ایک سکیورٹی مہم چلائی جس کے نتیجے میں 76 غیر ملکیوں کو گرفتار کیا گیا جن میں قانون کو مطلوب مجرموں کے ساتھ ساتھ رہائشی خلاف ورزی کرنے والے اور بغیر شناخت کے گرفتار کیے گئے۔ تمام افراد کو قانونی اقدامات کرنے کے لیے مجاز اتھارٹی کے پاس بھیج دیا گیا ہے۔
تیسری خبر میں کویت کی پبلک پراسیکیوشن نے بنگالی شہریت کے ایک رہائشی کو حراست میں لینے کا حکم دیا جس کے خلاف چار بچوں کے اغوا، بچوں سے چھیڑ چھاڑ اور انہیں غیر اخلاقی حرکتوں پر اکسانے کی اطلاعات موصول ہوئیں۔
پبلک پراسیکیوشن نے ایک بیان میں کہا کہ اس نے متاثرین سے پوچھ گچھ کی اور انہیں محکمہ برائے فرانزک میڈیسن اور چائلڈ پروٹیکشن سینٹر کے حوالے کر دیا۔
اس نے ملزم سے اس پر لگائے گئے الزامات کے بارے میں بھی پوچھ گچھ کی تو اس نے کمسن بچوں کے خلاف ان جرائم کا اعتراف جرم بچوں کو دھمکی دے کر اور ڈرا کر کیا۔ تفتیش کا عمل مکمل کیا جا رہا ہے۔
