کویت اردو نیوز 12 اگست: رہائشی اقامہ کا نیا قانون نافذ العمل ہوگا۔
تفصیلات کے مطابق نیا رہائشی قانون سرکاری گزٹ میں شائع ہوتے ہی نافذ العمل ہوگا۔ نئے قانون کے آرٹیکلز میں ایک تارکین وطن 5 سال تک رہائش پذیر رہ سکتا ہے جبکہ ایک کاروباری شخص کے لئے 10 سال کی مدت مختص کی گئی ہے۔
کویتی خاتون شہری کو اپنے غیر ملکی شوہر اور بچوں کے لئے رہائش کا اجازت نامہ حاصل کرنا ہوگا بشرطیکہ ان میں سے کوئی بھی سرکاری یا غیر سرکاری ادارے کے لئے کام نہ کرے۔
اس کے علاوہ گھریلو ملازمین 6 ماہ کی بجائے صرف 4 ماہ کی مدت کے لئے ملک سے باہر رہ سکتے ہیں۔
دوسری جانب ذرائع کا کہنا ہے کہ فی الحال والدہ اور ساس سمیت آرٹیکل 22 کے لئے رہائشی اجازت نامے کی تجدید کو روکنے کا ابھی تک کوئی فیصلہ نہیں ملا ہے۔
یہ خبر بھی پڑھیں: 500 ڈاکٹر اور نرسیں اگلے ماہ کویت پہنچیں گے
ذرائع نے اشارہ کیا کہ پبلک اتھارٹی برائے افرادی قوت معمولی کارکنوں اور 60 سال سے زیادہ عمر والوں کو ورک پرمٹ دینے سے انکار کرنے کے عمل میں ہے۔
