کویت اردو نیوز،20 جون: سعودی عرب نے ہجری سال 1444 کے خطبہ حج کے لیے کبار علماء کونسل کے رکن شیخ ڈاکٹر یوسف بن محمد بن سعید کو مقرر کرنے کا اعلان کر دیا ہے۔
’’ھیئہ کبار العلماء‘‘ شیخ ڈاکٹر یوسف یوم عرفہ پر خطبہ حج دیں گے، جس کا ترجمہ اردو سمیت دنیا کی متعدد زبانوں میں براہ راست نشر کیا جائے گا۔
اس کے ساتھ شیخ ڈاکٹر ماھر بن حمد المعیقلی کو المسجد الحرام کے مبلغ اور احتیاطی امام کے طور پر مقرر کرنے کا اعلان بھی کیا گیا ہے۔
ڈاکٹر یوسف بن محمد بن سعید ’’امام محمد بن سعود اسلامی یونیورسٹی‘‘ میں عقیدہ ومعاصر ادیان کے پروفیسر کے عہدے پر فائز ہیں۔
ڈاکٹر یوسف پانچ سال یونیورسٹی کی تھیسز ایگزام کمیٹی کے رکن رہنے کے علاوہ دو سال تک یونیورسٹی کی ڈین شپ آف سائنٹفک ریسرچ کونسل اور پوسٹ گریجویٹ سٹڈیز کی ڈین شپ کونسل کے رکن بھی رہے۔
وہ 1415ھ سے امام محمد بن سعود اسلامی یونیورسٹی میں لیکچرر ہیں
