کویت میں شدید گرمی بس دس دن کی مہمان ہے: العجیری سائنسی مرکز

کویت اردو نیوز 13 اگست 2023: کویت کے العجیری سائنسی مرکز نے ہفتے کے روز اعلان کیا کہ کویت میں 24 اگست سے ایک نیا سیزن شروع ہو جائے گا جس میں شدید گرمی کم ہو جاتی ہے جبکہ یہ سیزن 52 دن تک جاری رہے گا اور 14 اکتوبر کو ختم ہو گا۔

مرکز نے کویت نیوز ایجنسی کو ایک بیان میں کہا کہ اس سیزن میں درجہ حرارت کافی حد تک گر جائے گا۔ انہوں نے مزید کہا کہ یہ درجہ حرارت کی یہ حد 50 سینٹی گریڈ سے نیچے نیچے ہی رہے گی۔

العجیری سائنسی مرکز نے مزید کہا کہ اس سیزن کے آغاز سے شدید گرمی آہستہ آہستہ ختم ہو جائے گی کیونکہ موسم زیادہ معتدل ہونا شروع ہو جائے گا، خاص طور پر رات کے وقت موسم خوشگوارہونا شروع ہو جائے گا تاہم 14 اکتوبر کو ختم ہونے والے اس سیزن میں زیادہ نمی اور بکھرے ہوئے بادلوں کے ساتھ بارش کے امکانات بھی ہیں۔