آتش فشاں پھٹنے سے سمندر میں ایک نیا جزیرہ بن گیا

کویت اردو نیوز : جاپان میں زیر سمندر آتش فشاں نے ایک نیا جزیرہ بنادیا، جاپان کے موسمیاتی ادارے جے ایم اے کے مطابق یہ نیا جزیرہ بحرالکاہل میں ایوو جیما کے قریب نمودار ہوا ہے۔

جاپانی ایجنسی نے کہا کہ یہ بے نام جزیرہ زیر سمندر آتش فشاں پھٹنے کا نتیجہ ہے۔ اس کی سمندر میں ابھرتی ہوئی تصویر بھی جاری کی گئی ہے۔

تصویر میں ایک دھماکے کے بعد جزیرے پر پھیلی ہوئی سیاہ راکھ کا بادل دکھایا گیا ہے۔

JMA نے کہا کہ پچھلے سال سے خطے میں آتش فشاں کی سرگرمیاں ریکارڈ کی گئی ہیں۔ ٹوکیو یونیورسٹی کے ماہرین نے بتایا کہ یہ جزیرہ 30 اکتوبر کو آتش فشاں پھٹنے سے بنا تھا۔

ماہرین کا کہنا تھا کہ سمندر کے نیچے اس چٹان کے بننے کا عمل کافی عرصے سے جاری تھا اور اب یہ سطح پر ابھر کر سامنے آیا ہے۔ یہ جزیرہ ایوو جیما کے ساحل سے ایک کلومیٹر دور واقع ہے۔