کویت اردو نیوز،27 ستمبر 2023 : ویسےتوترکی میں بہت سی تاریخی عمارات اور ایسے آثار پائے جاتے ہیں جو آج بھی اہل دنیا کی نظروں اوجھل ہیں ،ماہرین آثارِ قدیمہ نے ترکی کے قدیم تاریخی شہر ہاتوسا کے کھنڈرات سے ایک نئی زبان دریافت کرلی ہے۔
ہاتوسا شہر دور قدیم میں سلطنت ہٹی کادارالحکومت ہوتا تھا۔ یہ قدیم سلطنت اپنے عہد کی سپر پاور ہوا کرتی تھی ، اسکی حدود اناطولیہ سے لے کر شمالی شام تک اور ایجین سے لے کر مغرب تک پھیلی ہوئی تھی جب کہ مشرق میں اس سلطنت کی حدیں فرات تک پہنچی ہوئی تھی۔
قدیم شہر ہاتوسا کے کھنڈرات میں کھدائی کے دوران ماہرین آثار قدیمہ کو تیس ہزار کے قریب کینیفارم گولیاں یعنی تختیاں برآمد ہوئی ہیں ، جن میں اناطولیہ کی روایات ، تاریخ اور اس دور کے معاشرے کی تفصیلات بھی موجود ہے، یہ گولیاں ہٹائٹ زبان میں لکھی گئی ہیں جو سب سے پُرانی ہند یورپی زبانوں میں سے ایک زبان ہے۔
اگرچہ ماہرین آثار قدیمہ کو اس بات کا کوئی اندازہ نہیں کہ ان مخصوص کینیفارم گولیوں یعنی تختیوں پر کیا لکھا ہے لیکن ماہرین نے اس بات کی تصدیق کر دی ہے کہ یہ زبان اناطولیہ کے ہند-یورپی خاندان میں بولی جانیوالی ایک زبان ہے ۔
