کویت اردو نیوز : سعودی پبلک پراسیکیوشن نے خبردار کیا ہے کہ کسی کو باضابطہ اجازت کے بغیر پرواز کے عملے کے کام میں مداخلت کا حق نہیں ہے۔
استغاثہ کا کہنا ہے کہ دوران پرواز طیارے کے عملے کو روکنا یا رکاوٹیں ڈالنا منع ہے۔
پبلک پراسیکیوشن کا کہنا ہے کہ کسی بھی شخص کو اجازت نہیں ہے کہ وہ اپنے کسی عمل سے ہوائی جہاز کی حفاظت یا اس کے عملے یا مسافروں کی حفاظت کو خطرے میں ڈالے۔
پبلک پراسیکیوشن کا کہنا ہے کہ جو بھی ہوائی جہاز اور سول ایوی ایشن کی سلامتی اور امن کو متاثر کرنے والے کسی بھی فعل اور جرم کا ارتکاب کرے گا اسے ان بین الاقوامی معاہدوں کے مطابق سزا دی جائے گی۔ ایسے افراد پر سعودی عرب میں رائج قوانین کا اطلاق ہوگا۔
اس سے قبل سعودی پبلک پراسیکیوشن اتھارٹی نے مملکت میں کھیلوں کے شائقین کو سٹیڈیم کے اندر میچوں کے دوران قواعد و ضوابط کی پابندی کرنے کی اہمیت پر زور دیا تھا ۔
تنظیم نے رپورٹ میں کہا کہ جاری کردہ قوانین میں میدان میں داخل ہونے، کھیل میں خلل ڈالنے، حفاظتی اقدامات کو متاثر کرنے یا کسی بھی قسم کی توڑ پھوڑ یا پرتشدد کارروائیوں پر پابندی ہے۔
پبلک پراسیکیوشن اتھارٹی نے کہا ہے کہ تمام شائقین کو ان تمام قواعد و ضوابط پر عمل کرنا چاہیے اور کسی بھی حالت میں ان ہدایات کی خلاف ورزی نہیں کرنی چاہیے۔
اتھارٹی نے کہا کہ اسٹیڈیم میں کوئی ایسا عمل نہیں کیا جانا چاہیے جس سے عوامی مقامات پر اور خاص طور پر کھیلوں یا کسی بھی تقریب کے دوران دیگر لوگوں کو پریشانی کا سامنا ہو جس سے کسی قسم کا خلل پیدا ہو۔
