کویت اردو نیوز 02 فروری: تین مخصوص شعبوں میں بیرون ممالک سے کارکنان کی بھرتیوں کا فیصلہ کیا گیا ہے۔
روزنامہ الانباء کے باخبر ذرائع کی رپورٹ کے مطابق پبلک اتھارٹی برائے افرادی قوت نے تین مخصوص شعبوں میں بیرون ملک سے کارکنان کی بھرتیوں کی اجازت دینے کا فیصلہ کیا ہے۔
ذرائع کے مطابق ان تینوں مخصوص شعبوں میں سرکاری معاہدوں ، میڈیکل سیکٹر اور تعلیم کے شعبے شامل ہیں۔ ان تینوں شعبوں کو بیرون ملک سے مزدوروں کی خدمات حاصل کرنے کی اجازت دی جائے گی اس کے علاوہ خصوصی کمیٹی لیبر مارکیٹ کی ضرورت کے لئے جو ضروری سمجھے اقدامات اٹھا سکتی ہے۔
