کویت اردو نیوز 12 مارچ: موسم میں خرابی کے باعث شام 3 بجے سے پہلے اپنے گھروں یا محفوظ مقامات پر لوٹ جائیں: ماہر موسمیات
تفصیلات کے مطابق محکمہ موسمیات کے ماہر عیسیٰ رمضان نے اگلے 24 گھنٹوں کے دوران ہواؤں کی شدت کے بارے میں ایک بیان میں متنبہ کیا اور اس بات پر زور دیا کہ آج بروز جمعہ خاص طور پر سہ پہر کے وقت ہوائیں تیز رہیں گی۔
انہوں نے اشارہ کیا کہ شمال مغرب کی ہواؤں میں شدت ہوگی۔ انہوں نے دوپہر کے بعد باہر نکلنے سے پرہیز کرنے کے ساتھ ساتھ شہریوں اور رہائشیوں کو تنبیہ کرتے ہوئے اس بات کا اشارہ کیا کہ تیز ہواؤں کے ساتھ گرد بھی ہو گی لہذا ماسک پہننے کی ضرورت کو یقینی بنایا جائے۔
انہوں نے اس بات کی نشاندہی کی کہ عوام شام 3 بجے سے پہلے اپنے گھروں کو لوٹ جائیں جیسا کہ محکمہ موسمیات کے انتباہات کے مطابق یہ طوفان ہفتہ کی صبح تک جاری رہے گا۔ انہوں نے مزید کہا کہ یہ ہوا بلاشبہ سانس کے نظام کو متاثر کرتی ہے اور خاص طور پر دمہ و الرجی جیسی بیماریوں میں مبتلا افراد کے لیے خطرناک ثابت ہو سکتی ہے۔
دوسری جانب محکمہ موسمیات نے کہا کہ ہے کہ "شمال مغربی ہواؤں میں سرگرمی متوقع ہے جو 70 کلومیٹر فی گھنٹہ کی حد سے تجاوز کر سکتی ہیں جس کی وجہ سے حد نظر 500 میٹر سے بھی کم رہ جائے گی جبکہ ہواؤں کی وجہ سے سمندری لہریں 7 فٹ سے زیادہ بلند ہونے کا امکان ہے۔” موسم میں خرابی شام تین بجے شروع ہوگی جو ہفتہ کی صبح تین بجے تک جاری رہے گی۔