کویت اردو نیوز : اگر آپ کو اپنے فون پر ایک پیغام موصول ہوا ہے جس میں کہا گیا ہے کہ ‘آپ نے انعام جیت لیا ہے’، تو اس بات کا 99% امکان ہے کہ موصول ہونے والا پیغام دھوکہ دہی ہے اور اس کا مقصد وصول کنندہ کی اسناد یا رقم چوری کرنا ہے۔
اگر آپکو کسی کمپنی کیجانب سے واٹس ایپ یا ایس ایم ایس کےذریعے نوکری کاپیغام یا اطلاع موصول ہوتی ہے تو اس کو خطرناک پیغام سمجھیں۔ یاد رکھیں نوکری کی پیشکش کبھی بھی واٹس ایپ یا ایس ایم ایس پر نہیں آتی۔ کوئی بھی پیشہ ور کمپنی ان پلیٹ فارمز پر آپ سے کبھی رابطہ نہیں کرے گی، اس لیے یہ یقینی دھوکہ ہے، اس پر کلک کرنے سے گریز کریں۔
ایس ایم ایس یا واٹس ایپ پر موصول ہونے والے بینک الرٹ پیغامات جو صارفین کو پیغام میں یو آر ایل/لنک کے ذریعے دستاویزات مکمل کرنے کو کہتے ہیں، جعلی ہیں، ان پیغامات کو بھیجنے والے ہیکرز کا مقصد آپ کی رقم چوری کرنا ہے۔
اگر آپ کو اپنے فون پر کسی خریداری کے بارے میں کوئی پیغام یا اطلاع ملتی ہے تو وہ بھی جعلی ہے، ایسے پیغامات ہیکرز وصول کنندگان پر کلک کرنے اور ان کے فون کو ہیک کرنے کے لیے بھیجتے ہیں۔
اگر آپ کو کسی ایسی چیز کی ڈیلیوری کے بارے میں نوٹیفکیشن میسج موصول ہوتا ہے جس کا آپ نے کہیں سے آرڈر نہیں کیا ہو تو اس پر کبھی کلک نہ کریں، کیونکہ مجرم بھی آپ کا ڈیٹا ہیک کرنے کے لیے ایسے پیغامات بھیجتے ہیں۔
