کویت اردو نیوز: گزشتہ چند سالوں میں سوشل میڈیا دنیا بھر میں جنگل کی آگ کی طرح پھیل چکا ہے اور اس کے استعمال میں روز بروز مسلسل اضافہ ہوتا جا رہا ہے۔
اب عالمی ادارہ شماریات نے دنیا بھر میں سب سے زیادہ ڈاؤن لوڈ کی جانے والی ویب سائٹس کے بارے میں رپورٹ شائع کی ہے۔
ورلڈ آف اسٹیٹسٹکس نے ایکس پر 2022 میں دنیا بھر میں سب سے زیادہ ڈاؤن لوڈ کی جانے والی ایپلی کیشنز (ایپس) کی فہرست جاری کی ہے۔
اس فہرست کے مطابق TikTok 2022 میں دنیا بھر میں سب سے زیادہ ڈاؤن لوڈ کی جانے والی ایپ تھی۔
مقبول ترین ایپلی کیشنز کی فہرست میں ٹک ٹاک کے بعد انسٹاگرام دوسرے، فیس بک تیسرے، واٹس ایپ چوتھے ، ٹیلی گرام پانچویں نمبر پر ہے۔
اس کے علاوہ بچوں میں سب سے زیادہ مقبول گیمز چھٹے نمبر پر سب وے سرفرز، ساتویں نمبر پر Stumble Guys، آٹھویں نمبر پر Spotify، نویں نمبر پر شین جب کہ دسویں نمبر پر میسنجر ہیں۔
ایلون مسک کا ایکس فہرست میں 16 ویں نمبر پر تھا۔
عالمی ادارہ شماریات کی فہرست میں یہ بھی بتایا گیا ہے کہ 2022 میں کورونا وبا کے بعد کے اثرات محسوس کیے جا رہے تھے کیونکہ اس سال بزنس کمیونیکیشن ایپ زوم مائیکروسافٹ ٹیمزکوکم ڈاؤن لوڈکیا گیا۔
اس کے علاوہ، تعلیمی سرگرمیوں کے ساتھ ایپلی کیشنز کو بھی کم ڈاؤن لوڈ کیا گیا کیونکہ اسکولوں اور یونیورسٹیوں نے اس سال اپنے روایتی تدریسی نظام پر واپسی کی تھی۔