کویت اردو نیوز : سعودی عرب کے علاقے حائل میں قدیم تاریخی قلعہ ‘اعیرف’ کو سیاحتی مقامات میں سے ایک اہم مقام سمجھا جاتا ہے۔ یہ قلعہ 1790 میں تعمیر کیا گیا تھا۔ تاریخی اعتبار سے یہ قلعہ غیر معمولی اہمیت کا حامل ہے۔
ماضی میں یہ قلعہ فوجی چھاؤنیوں اور قافلوں کی حفاظت کے لیے استعمال ہوتا تھا۔ اس کی اونچی دیوار شہریوں کو بیرونی حملے سے بچانے اور دشمن پر نظر رکھنے کے لیے استعمال کی جاتی تھی۔
کہا جاتا ہے کہ اس قلعے کا نام اعیرف پہاڑی کے نام پر رکھا گیا کیونکہ یہ اسی پہاڑی کی چوٹی پر بنایا گیا تھا۔ اس دور میں یہ قلعہ غیر معمولی اہمیت کا حامل تھا۔ قلعے کی مٹی کی موٹی دیواروں میں تیر اندازوں کے لیے مورچے بھی بنے ہوئے تھے جن پر ہر وقت پہرہ تھا۔
اس دور کی بے شمار یادوں کے ساتھ، اعیرف قلعہ آج سیاحوں کے لیے ایک بہت اہم تاریخی مقام ہے۔اس خطے میں آنے والے سیاحوں کو یہاں آنے کے بعد قلعہ ضرور دیکھنا چاہیے جو آج بھی اسی طرز تعمیر کے ساتھ موجود ہے جو ماضی کی ایک یاد دلاتا ہے۔
موجودہ دور میں یہ قلعہ رمضان اور عید کا چاند دیکھنے کے لیے مخصوص ہے۔ یہاں ایک توپ نصب کی گئی تھی جس کے ذریعے شہریوں کو چاند نظر آنے کی اطلاع دینے کے لیے گولے داغے گئے تھے۔
