کویت کی سب سے بڑی مسجد الکبیر میں رمضان کی تراویح اور قیام نہیں ہو گا

کویت اردو نیوز 26 مارچ: اس سال ریاست کی عظیم الشان مسجد (مسجد الکبیر) کے مرکزی نماز ہال میں تراویح اور قیام کی نمازیں نہیں ہوں گی: ذرائع کویت وزارت اوقاف

تفصیلات کے مطابق کویت وزارت اوقاف کے سرکاری ذرائع نے انکشاف کیا ہے کہ اس سال ریاست کی عظیم الشان مسجد (مسجد الکبیر) کے مرکزی نماز ہال میں تراویح اور قیام کے لئے نمازوں کی ادائیگی نہیں ہو گی۔ ذرائع نے ایک مقامی عربی روزنامہ کو بتایا کہ نماز ہال کی بحالی اور تزئین و آرائش کا کام جاری ہے جو اس وقت بھی جاری ہے۔ اس بات کا ذکر کرتے ہوئے مزید کہا کہ نماز صرف روزمرہ کے ‘چھوٹے’ نمازی ہال میں ادا کی جائے گی۔ ذرائع نے مزید کہا کہ وزارت بلدیہ کے ساتھ مل کر مساجد کے باہر خیمے لگانے کی اجازت دے گی تاہم ان خیموں کو عبادت گاہوں کے طور پر

استعمال نہیں کیا جائے گا بلکہ ان لوگوں کے لیے استعمال کیا جائے گا جو افطار کرنا چاہتے ہیں۔