کویت نے فیملی ویزوں کے اجراء کا آغاز کر دیا

کویت اردو نیوز 08 مئی: کویت ریزیڈنس افیئر ڈپارٹمنٹ نے بتایا کہ غیر ملکیوں کے لیے فیملی وزٹ ویزے آج (8 مئی 2022) سے کھل گئے ہیں جو کہ وبائی بحران کی وجہ سے گزشتہ 2 سال سے بند تھے۔

عید سے قبل وزراء کی کونسل کے حالیہ فیصلے کے ساتھ جس میں کورونا سے متعلق تمام پابندیوں کو منسوخ کر دیا گیا تھا، اقامتی امور کے محکمے کو غیر ملکیوں کے لیے فیملی وزٹ ویزا کی درخواستیں موصول کرنے کی اجازت دی گئی ہے تاہم فیملی ویزا حاصل کرنے کے لیے سابقہ ​​شرائط جیسے کہ 6 ممنوعہ ممالک بشمول پاکستان، کم از کم تنخواہ کی شرط اور سیکیورٹی چیک وغیرہ پر عمل کیا جائے گا۔