کویت اردو نیوز 06 جون: دبئی میں مقیم ایک ہندوستانی شہری کو اپنی عمارت کی لفٹ میں 01 ملین درہم نقدی ملی جسے اس نے پولیس کے حوالے کر دیا۔ فورس کے اعلیٰ افسران نے اس کی ایمانداری پر اسے تعریفی سند سے نوازا ہے۔
تفصیلات کے مطابق دبئی میں مقیم ایک بھارتی شہری کو اپنی عمارت کی لفٹ میں 01 ملین درہم (10 لاکھ درہم جو پاکستانی تقریباً 5 کروڑ سے زائد رقم بنتی ہے) نقدی ملی جسے اس نے دبئی پولیس کے حوالے کر دیا۔ فورس کے اعلیٰ افسران نے اس کی ایمانداری پر اسے تعریفی سند سے نوازا ہے۔ دبئی پولیس نے کہا کہ غیرملکی طارق محمودولد خالد محمود کو یہ رقم البرشہ میں اپنی رہائشی عمارت سے ملی۔ البرشا پولیس اسٹیشن کے ڈائریکٹر بریگیڈیئر عبدالرحیم بن شفیع نے بتایا کہ طارق نے یہ رقم اسٹیشن پر دی تھی۔ افسر نے کہا کہ "بہترین اخلاق ہی ہمارے معاشرے کی اعلیٰ اقدار کی
نمائندگی کرتے ہیں جن پر ہمیں بہت فخر ہے۔” بریگیڈیئر بن شفیع نے طارق کو تعریفی سند سے نوازا اور کمیونٹی اور پولیس کے درمیان تعاون کی اہمیت پر زور دیا۔ پولیس نے غیرملکی کے حوالے سے کہا کہ اس اعزاز نے اسے "بہت فخر اور خوشی” دی۔
دبئی پولیس معمول کے مطابق ان ایماندار باشندوں کا احترام کرتی ہے جو گمشدہ نقدی یا قیمتی اشیاء حوالے کرتے ہیں۔ اس سال کئی واقعات سامنے آئے ہیں۔ یاد رہے کہ اپریل میں فلپائن سے تعلق رکھنے ایک غیرملکی نائجیل نیرس نے القوسیس میں ملنے والی 4,000 درہم نقدی پولیس کے حوالے کی جسے پولیس نے ایک سرٹیفکیٹ دیا۔ اسی مہینے میں آٹھ رہائشیوں کو اعزاز سے نوازا گیا جب
انہوں نے 55,000 درہم سے زیادہ کی نقد رقم واپس کی جو کہ الگ الگ واقعات میں گم ہوئے تھے۔ ایک اور کیس میں القصیٰ میں پولیس نے دبئی کے ایک ٹیکسی ڈرائیور عبدالرحیم کو اس وقت اعزاز بخشا جب اس کی ٹیکسی میں ایک ہینڈ بیگ جس میں کچھ نقدی، سرکاری دستاویزات اور پاسپورٹ ایک مسافر بھول گیا تھا۔