کویت سٹی 22 جون : روزنامہ کویت ٹائمز کی رپورٹ کے مطابق حولی کے مکمل لاک ڈاؤن کے خاتمے کے پہلے دن رہائشیوں کی جانچ کے لئے ایک ٹیم بھیجی گئی جس نے علاقے میں رہائشیوں کے گھروں کو ترتیب کے بغیر انتخاب کیا اور ناول کورونا وائرس (COVID-19) کے لئے فیلڈ ٹیسٹنگ کا آغاز کیا۔
تفصیلات کے مطابق وزارت صحت نے ایک روز قبل ہی اعلان کیا تھا کہ وہ مختلف رہائشی علاقوں میں تصادفی طور پر منتخب مکانات میں ٹیموں کو بھیج کر کورونا وائرس کے مرض کی بے ترتیب جانچ کا آغاز کرے گی۔
وزارت نے ایک بیان میں کہا کہ گھریلو دورے روزانہ شام 5 سے 11 بجے تک شروع ہوں گے اور وہ رہائشی اور شہریوں کے لئے تمام رہائشی علاقوں کا احاطہ کریں گے۔ وزارت نے لوگوں سے ٹیسٹ کرنے والی ٹیموں کے ساتھ تعاون کرنے کا مطالبہ کیا۔ اس نوعیت کے ٹیسٹ کو Smear ٹیسٹ کا نام دیا گیا ہے جو کہ متعلقہ شخص کے ناک سے اکٹھے کئے جانے والے نمونوں سے لیا جاتا ہے۔
یاد رہے کہ ملک میں رپورٹ ہونے والے کیسوں کی تعداد میں تیزی سے اضافہ کے بعد یہ مہم چلائی گئی ہے۔
حوالہ: کویت ٹائمز