کویت سٹی 29 جون: روزنامہ القبس کی شائع کردہ رپورٹ کے مطابق آسٹریلیائی ادارہ برائے معاشیات اور امن (آئی ای پی) نے کویت کو محفوظ اور پرامن ممالک کی فہرست میں شامل کر لیا ہے۔
تفصیلات کے مطابق آسٹریلیائی ادارہ برائے معاشیات اور امن (آئی ای پی) کی طرف سے جاری کردہ ایک مطالعہ میں کویت نے دنیا کے 50 سب سے محفوظ اور پرامن ممالک جبکہ خلیج میں متحدہ عرب امارات اور قطر کے ساتھ 3 بہترین ممالک کے طور پر درجہ بندی کی ہے۔ دنیا کے 163 آزاد ممالک اور خطوں میں ریاست کے امن کے بارے اور اس کی درجہ بندی کرنے والے اس انسٹیٹیوٹ نے کویت کو ایک بار پھر خلیجی ریاستوں کی سطح پر دوسرا جبکہ عالمی سطح پر 39 واں درجہ دیا۔ خلیج میں قطر کا پہلا اور دنیا میں 27 واں نمبر ہے۔ امارات خلیج میں تیسری اور عالمی سطح پر 41 نمبر پر ہے۔
انتہائی پرامن ممالک کے انڈیکس میں عمان خلیج کی سطح پر چوتھے اور دنیا میں 68 ویں نمبر پر ہے جبکہ بحرین خلیج میں پانچویں اور عالمی سطح پر 110 ویں نمبر پر ہے۔ اس کے بعد سعودی عرب خلیجی ممالک میں 6 جبکہ عالمی سطح پر 128 ویں نمبر پر ہے۔
اس تحقیق میں مشرق وسطی اور شمالی افریقہ (MENA) کے خطے کو لگاتار چھٹے سال دنیا کا سب سے کم پرامن بتایا گیا ہے۔
اس تحقیق کے مطابق عالمی امن میں رکاوٹ کسی ایک خطے، انڈیکس یا ملک تک ہی محدود نہیں اس کے باوجود مشرق وسطی میں تنازعہ دنیا میں امن کو کم کرنے کا اصل محرک ہے۔
حوالہ: روزنامہ القبس