کویت اردو نیوز 14 ستمبر: انٹرنیٹ سروس کے ذریعے ڈاؤن لوڈنگ کی رفتار کو ماپنے اور شعبے میں مہارت رکھنے والی ‘کیبل’ ویب سائٹ "براڈ بینڈ ایفیشنسی انڈیکس” کی جار کردہ رپورٹ کے مطابق کویت عرب دنیا میں پہلے اور عالمی سطح پر 82 ویں نمبر پر ہے جبکہ لبنان عالمی سطح پر اس شعبہ میں
اپنی تنزلی کو جاری رکھتے ہوئے 193 تک پہنچ گیا ہے جو کہ 19 عرب ممالک میں 16 ویں نمبر پر ہے۔ کویت نے عرب برتری حاصل کرنے اور براڈ بینڈ کی رفتار کی بین الاقوامی فہرست میں 18 درجے کی چھلانگ لگانے کے لیے معیاری پیشرفت ریکارڈ کی جبکہ خلیج سمیت عرب ممالک کی اکثریت نے عالمی سطح پر موجودہ سال اور پچھلے سال کے مقابلے میں انٹرنیٹ کی رفتار میں نسبتاً اضافے کے باوجود رینکنگ میں کمی ریکارڈ کی ہے جبکہ کمزور ممالک خاص طور پر سوڈان، شام اور یمن کے گروپ میں یہ کمی جاری ہے۔ عرب دنیا میں دوسری پوزیشن برقرار رکھنے والے قطر نے عالمی سطح پر 78 ویں سے 95 ویں نمبر پر کمی ریکارڈ کی، متحدہ عرب امارات جو کہ گزشتہ پہلی پوزیشن پر تھا اپنی قیادت کو چھوڑ دیا اور
گزشتہ سال عالمی سطح پر 73 ویں نمبر پر آنے کے بعد اب 100 ویں نمبر پر آ گیا۔ سعودی عرب نے عالمی سطح پر 99ویں سے 101ویں نمبر پر جزوی تنزلی کے ساتھ چوتھی عرب پوزیشن حاصل کی۔ اس کے بعد بحرین بھی 104ویں سے 111ویں نمبر پر آگیا جس سے ظاہر ہوتا ہے کہ ماسوائے کویت کے
تمام خلیجی ممالک اس شعبے میں ترقی کی بجائے تنزلی کا شکار ہوئے ہیں۔ انٹرنیٹ کی اس اوسط رفتار کی پیمائش 5 جی بی کی ایک عام ہائی ڈیفینیشن مووی ڈاؤن لوڈ کرکے کی جاتی ہے جہاں "کیبل” نے 220 ممالک میں 1.1 بلین سے زیادہ ٹیسٹ لیے ہیں۔ عالمی سطح پر 2022 انٹرنیٹ کی اوسط رفتار میں 34.79 ایم بی پی ایس ہوگئی جو کہ 2021 میں 29.79 ایم بی پی ایس تھی۔ عالمی سطح پر مکاؤ نے انٹرنیٹ کی رفتار میں ایک معیاری پیشرفت ریکارڈ کی اور 262.74 میگا بائٹس فی سیکنڈ کی اوسط انٹرنیٹ رفتار کے ساتھ دنیا میں پہلا مقام حاصل کیا۔ اس کے بعد جرسی اوسط انٹرنیٹ سپیڈ 256.59 میگا بائٹس فی سیکنڈ اور آئس لینڈ 216.56 میگا بائٹس فی سیکنڈ کی اوسط انٹرنیٹ سپیڈ کے ساتھ دنیا میں تیسرے نمبر پر ہے، اس کے بعد 216.56 میگا بائٹس کے ساتھ لیختنسٹین عالمی سطح پر چوتھے نمبر پر ہے جس کی اوسط انٹرنیٹ سپیڈ 166.22 میگا بائٹس فی سیکنڈ ہے جبکہ جبرالٹر دنیا میں پانچویں نمبر پر ہے جہاں انٹرنیٹ کی اوسط رفتار 159.90 میگا بائٹس فی سیکنڈ ہے۔
شام 2.88 میگا بائٹس فی سیکنڈ کی اوسط رفتار کے ساتھ عالمی سطح پر 205 ویں نمبر پر ہے، اس کے بعد عالمی سطح پر سوڈان 209 ویں نمبر پر ہے، جس کی اوسط رفتار 2.57 میگا بائٹس فی سیکنڈ ہے اور آخر میں یمن عالمی سطح پر 218 ویں نمبر پر ہے، جس کی اوسط رفتار 0.97 میگا بائٹس فی سیکنڈ ہے۔
