کویت سٹی 02 جولائی: روزنامہ عرب ٹائمز کی رپورٹ کے مطابق تارکینِ وطن کی کویت واپسی کے طریقہ کار اور شرائط و ضوابط کی وضاحت فی الحال نہیں کی گئی۔
تفصیلات کے مطابق وزراء کی کونسل نے کویت واپس آنے کے خواہشمند افراد کے لئے یکم اگست سے کویت ہوائی اڈے پر تجارتی پروازیں چلانے کا اعلان کیا ہے لیکن ابھی تک تفصیلات کی وضاحت نہیں کی گئی ہے۔
ایک سرکاری ذرائع نے بتایا کہ کویت واپس آنے کے خواہشمند افراد کے لئے پی سی آر سرٹیفکیٹ لانے کی ضرورت کے باوجود ان کی آمد کے وقت مطلوبہ حفاظتی اقدامات اور شرائط اور ان کے منظور شدہ ٹیسٹ کے طریقوں کو جاننے کے لئے وزارت صحت کے ساتھ ہم آہنگی کی ضرورت ہوگی۔
یہ خبر بھی ضرور پڑھیں: جلیب الشویخ سے فرار ہونے کے لئے 10 دینار کی جعلی ائیر لائن ٹکٹ کا معاملہ
ذرائع نے بتایا کہ یہ معاملہ فی الحال ابھی تک حل طلب ہے کہ روزانہ کی بنیاد پر کتنے تارکین وطن واپس کویت آسکیں گے۔
ذرائع کے مطابق سول ایوی ایشن ڈیپارٹمنٹ نے بتایا کہ 42 مقامی اور بین الاقوامی ہوائی کمپنیوں کو اپنی تجارتی پروازوں کو چلانے کے لئے درخواستیں پیش کرنے کے لئے کہا گیا ہے جس میں پرواز کی تفصیلات مسافروں کی تعداد اور ہوائی جہاز کا عملہ شامل ہے۔ اس اقدام کا مقصد اگست کے دوران پروازوں کی تعداد کا تعین کرنا اور شہری ہوا بازی کے منصوبے کے مطابق انہیں سرکاری منظوری دینا ہے۔
ذرائع نے بتایا کہ فی الحال ٹریول ایجنسیوں کے ذریعہ اگست کے مہینے کی سفری تاریخوں کی بکنگ ممکن نہیں ہے کیونکہ ایئر لائنز کو پروازوں کو شروع کرنے کے لئے منظوری کی ضرورت ہے۔
حوالہ: عرب ٹائمز
