قطر جانیوالے مسافر سے لاہور ائیرپورٹ پر سوا کلو آئس برآمد

کویت اردو نیوز، 26مئی: لاہور ایئر پورٹ پر ایئرپورٹ سیکیورٹی فورس (اے ایس ایف) کے عملے نے کارروائی کرتے ہوئے قطر جانے والے مسافر کے قبضے سے سوا کلو آئس برآمد کرلی۔

ترجمان اے ایس ایف کے مطابق قطر جانے والے مسافر محمد شریف کے سامان کی لاہور ایئرپورٹ پر تلاشی لی گئی تو اس دوران اے ایس ایف عملے نے مسافر کے سفری بیگ کو مشکوک قرار دیا اور اس بیگ سے 1.140 کلو گرام آئس برآمد کر لی۔

منشیات بیگ کی تہہ میں طریقہ سی چھپائی گئی تھی، تاہم ائیرپورٹ سکیورٹی عملہ نے ملزم کے بیگ سے منشیات برآمد کر کے اسمگلنگ کی کوششں ناکام بنا دی۔

ملزم کو تفتیش کے بعد برآمدہ منشیات کیساتھ مزید قانونی کارروائی کے لیے انسداد منشیات حکام کے حوالے کر دیا گیا