کویت اردو نیوز ، 14 اکتوبر 2023: قطر کے امیر شیخ تمیم بن حمد الثانی کے حوالے سے بتایا گیا ہے کہ انہوں نے دھمکی دی ہے کہ اگر غزہ پر بمباری بند نہ ہوئی تو وہ دنیا کو گیس کی سپلائی بند کر دیں گے۔
سوشل میڈیا پر دعووں میں کہا گیا ہے کہ قطر کے امیر نے دھمکی دی ہے کہ اگر اسرائیل نے غزہ پر بمباری بند نہ کی تو عالمی نتائج کا سامنا کرنا پڑے گا۔
11 اکتوبر کو ایک فیس بک پوسٹ کے کیپشن میں لکھا گیاکہ”قطر کے امیر شیخ تمیم بن حمد الثانی نے دھمکی دی ہے کہ اگر غزہ پر بمباری بند نہ کی گئی تو وہ دنیا کو گیس کی سپلائی بند کر دیں گے،”
یاد رہے کہ قطر قدرتی گیس کا تیسرا بڑا برآمد کنندہ ہے اور روس کے یوکرین پر حملے کے بعد سے یورپ کو گیس فراہم کرنے والا بڑا ملک ہے۔
تاہم حقیقت یہ ہے کہ قطر کے امیر نے کوئی دھمکی نہیں دی کیونکہ قطری حکومت نے واضح کیا کہ حکومت نے اسرائیل اور حماس کے درمیان جنگ میں ثالثی کی کوشش کی ہے لیکن ایسی کوئی دھمکی نہیں دی۔
اطلاعات کے مطابق قطری حکومت نے قیدیوں کے تبادلے پر مذاکرات کرکے اسرائیل اور حماس کے درمیان جنگ کو کم کرنے کی کوشش کی ہے۔
واضح رہے کہ اسرائیل فلسطین کشیدگی کی موجودہ صورتحال میں امریکی وزیر خارجہ انتھونی بلینکن نے قطر کا دورہ کیا اور قطری قیادت سے ملاقات کی تاہم اس دورے کی کسی نیوز کانفرنس یا نیوز کوریج میں گیس کی فراہمی کا کوئی ذکر نہیں کیا گیا۔
