کویت اردو نیوز : سعودی عرب میں رواں سال کی تیسری سہ ماہی کے اختتام پر سرکاری اور نجی اداروں میں سعودی ملازمین کی اوسط تنخواہ 9 ہزار 872 ریکارڈ کی گئی ہے جبکہ خواتین ملازمین کی اوسط تنخواہ 6 ہزار 280 ریال تک پہنچ گئی ہے۔
پبلک سیکٹر میں سعودی ملازمین کی کل تعداد 295 ہزار 846 تک پہنچ گئی ہے جب کہ ان کی کل ماہانہ تنخواہوں کی مالیت 4.16 ارب ریال ہے۔
سرکاری شعبے میں ملازمت کرنے والی سعودی خواتین کی تعداد 127 ہزار 575 ہے اور ان کی کل تنخواہوں کی مالیت 64 ارب تک ہے۔
سرکاری رپورٹ میں کہا گیا ہے کہ "اس سال کی تیسری سہ ماہی کے اختتام پر، غیر ملکی مرد ملازمین کی اوسط تنخواہ غیر ملکی خواتین کی کل اوسط تنخواہ سے زیادہ ہے۔”
رپورٹ میں بتایا گیا ہے کہ غیر ملکی ملازمین کی تعداد 73 ہزار 365 ہے اور ان کی کل تنخواہ 523.83 ملین ہے۔
سرکاری شعبے میں غیر ملکی خواتین کی تعداد 39 ہزار 866 تھی جب کہ ان کی اوسط تنخواہ 523.83 ملین ریال تک پہنچ گئی۔
ایک سرکاری غیر ملکی ملازم کی اوسط تنخواہ 7 ہزار 140 رہی ہے۔جہاں تک پرائیویٹ سیکٹر کا تعلق ہے تو غیر سعودی خواتین کی تنخواہیں غیر ملکی مردوں کی مجموعی تنخواہوں سے زیادہ ہیں۔
نجی شعبے میں کام کرنے والی غیر ملکی خواتین کی تنخواہیں بھی غیر ملکی مردوں کی کل تنخواہوں سے زیادہ رہیں۔ نجی شعبے میں غیر سعودی خواتین ملازمین کی تعداد 621,715 ریکارڈ کی گئی جب کہ مرد ملازمین کی تعداد 7.56 ملین تھی۔
سرکاری اداروں میں مرد ملازمین کی اوسط تنخواہ 14 ہزار 53 ریال جبکہ خواتین کی اوسط تنخواہ 12 ہزار 872 ریال ریکارڈ کی گئی۔
نجی شعبے میں سعودی ملازمین کی اوسط تنخواہ 8 ہزار 953 ریال تک ریکارڈ کی گئی۔ ایک خاتون ملازم کی اوسط تنخواہ 5 ہزار 373 ریال تھی۔
