کویت اردو نیوز 25 فروری: 7 مارچ سے کویت انٹرنیشنل ائیر پورٹ 24 گھنٹے کام کرے گا۔
تفصیلات کے مطابق سول ایوی ایشن نے کویت انٹرنیشنل ائیر پورٹ کو 24 گھنٹے فعال کرنے کے لئے اگلے ماہ 7 مارچ کی تایخ طے کر لی ہے۔ سول ایوی ایشن کی جنرل ایڈمنسٹریشن میں محکمہ ایئر ٹرانسپورٹ کے ڈائریکٹر عبداللہ الراجحی نے کویت انٹرنیشنل ایئرپورٹ کو دن میں 24 گھنٹے کھولنے کے لئے ایک سرکلر جاری کیا ہے۔
سرکلر کے مطابق نیشنل ایوی ایشن سروسز کمپنی (NAS) کے جنرل منیجر کو مطلع کیا گیا کہ کویت بین الاقوامی ہوائی اڈے کو اگلے ماہ 7 مارچ سے 24 گھنٹے آپریشن جاری رکھنے کی ہدایات جاری کردی گئی ہیں جبکہ کویت ایئرپورٹ پر کام کرنے والی کمپنیوں کو مطلع کیا گیا ہے کہ وہ سول ایوی ایشن کی جنرل ایڈمنسٹریشن کو آپریشن چلانے کے لئے وقت کو تبدیل کرنے کی درخواستیں فراہم کریں۔
