کویت اردو نیوز 12 مئی: وزارت داخلہ کی عیدالفطر کے موقع پر امیر کویت اور ولی عہد شہزادہ کو مبارکباد جبکہ وزارت داخلہ نے شہریوں اور رہائشیوں کا جزوی پابندی کی پاسداری کرنے پر ان کا بھی شکریہ ادا کیا ہے۔
تفصیلات کے مطابق وزارت داخلہ نے اس مبارک موقع پر عزت مآب امیر کویت شیخ نواف الاحمد الصباح اور ولی عہد شہزادہ عزت مآب شیخ میشال الاحمد الصباح کے ساتھ ساتھ شہریوں اور رہائشیوں کو مبارکباد پیش کی۔ ایک پریس بیان میں وزارت نے شہریوں اور رہائشیوں کا ملک میں سرکاری و نجی مقامات پر جزوی پابندی کے بارے میں وزراء کونسل کے فیصلوں اور اجتماعات کی روک تھام کے لئے صحت سے متعلق فیصلوں کی ذمہ دارانہ وابستگی کے بارے میں ان کے باہمی تعامل اور ردعمل پر اظہار تشکر اور شکریہ ادا کیا۔
انہوں نے سکیورٹی جوانوں اور ملک میں ہونے والے غیر معمولی حالات کے بارے میں ذکر کرتے ہوئے ان کی تفہیم اور آگاہی کے ساتھ جو عظیم تعاون کیا ہے اور ذمہ داری کے اس جذبے کی تعریف کی جس نے سب کو رمضان کے بابرکت مہینے کے دوران مستند کویتی معاشرے کو اجاگر کرنے میں نمایاں کردار ادا کیا۔ انہوں نے تمام شہریوں اور رہائشیوں کا بھی شکریہ ادا کیا جنہوں نے اپنے بھائیوں اور بہنوں کو سیکیورٹی پوائنٹس کے قریب اپنے گھروں اور دفاتر کو استعمال کرنے کی سہولیات فراہم کیں۔
وزیر داخلہ شیخ ثامر العلی کی سربراہی میں سیکیورٹی اسٹیبلشمنٹ نے وزارت کے تمام ملازمین کی ان کی لامحدود کاوشوں اور عطیات پر شکریہ ادا کیا۔ وزیر داخلہ نے سکیورٹی فورسز کا شہریوں اور رہائشیوں کے ساتھ نفاست اور خندہ پیشانی سے پیش آنے کے معاملات پر ان کی تعریف کی جس کا وزیر داخلہ نے ذاتی طور پر اپنے یومیہ فیلڈ ٹرپ کے دوران مشاہدہ کیا۔
انہوں نے سب سے مطالبہ کیا کہ صحت سے متعلق ضروریات اور وزراء کی کونسل کے جاری کردہ فیصلوں کے ساتھ تعاون اور وابستگی کو جاری رکھیں تاکہ ملک جن غیر معمولی حالات سے گزر رہا ہے اس کی روشنی میں سب کی حفاظت کو محفوظ بنایا جاسکے۔