کویت اردو نیوز 17 مئی: کویت کابینہ نے ریسٹورنٹس میں صارفین کی واپسی سے متعلق بڑا فیصلہ لے لیا ہے۔
تفصیلات کے مطابق وزراء کی کونسل نے آج وزیر اعظم شیخ صباح الخالد کی سربراہی میں اپنے باقاعدہ اجلاس میں فیصلہ کیا ہے کہ شہریوں اور رہائشیوں کو صحت کی حفاظتی تدابیر پر سختی سے عمل کرتے ہوئے ریسٹورنٹس اور کیفیز میں بیٹھنے کی اجازت دے دی جائے۔
شہریوں اور رہائشیوں کو ریسٹورنٹس میں احتیاطی تدابیر اپناتے ہوئے بیٹھنے کی اجازت دینے کے ساتھ وزراء کونسل نے ریسٹورنٹس پر بھی سختی عائد کرتے ہوئے زور دیا کہ ملک بھر کے تمام ریسٹورنٹس محکمہ صحت عامہ کی ضروریات کو مدنظر رکھیں اور وزارت صحت اور میونسپلٹی کے قواعد و ضوابط پر سختی سے عمل درآمد کریں کیونکہ اس فیصلے کے بعد وقتا فوقتا فیلڈ انسپیکشن ٹیمیں ریسٹورنٹس کا معائنہ کیا کریں گی لہذا ریسٹورنٹس مالکان فیلڈ انسپیکشن ٹیموں کو قانونی طریقہ کار نافذ کرنے پر مجبور نہ کریں جبکہ خاص طور پر حکومت ریستوران کی مدد کرنے کے ساتھ ساتھ کورونا بحران کے باوجود ان کے کاروبار کو معاشی استحکام بخشنے میں مدد کرنا چاہتی ہے۔
باخبر ذرائع نے روزنامہ الانباء کو خصوصی بیانات میں واضح کیا کہ ایسی صورت میں جب کونسل کسی بھی نئے کنٹرول کی منظوری دیتی ہے جیسے کھلے اور بند ریسٹورنٹس میں ایک ہی میز پر صارفین کے بیٹھنے کی تعداد اور فاصلہ وغیرہ تو اس کا مقصد یہ ہے کہ ریستوراں کو بغیر کسی رکاوٹوں کے جاری رکھنے کا اہل بنایا جائے۔
ذرائع کا کہنا ہے کہ کونسل کا یہ فیصلہ شہریوں اور دیگر افراد کی صحت عامہ کے تحفظ پر عمل پیرا ہونے کے لئے ریستورانٹس اور کھانے پینے کی تیاری کرنے والی کمپنیوں میں کارکنوں کی ویکسی نیشن کے لئے مطلوبہ فیصد کو حاصل کرنے پر منحصر تھا۔
متعدد منظرنامے سامنے رکھے گئے تھے بشمول یہ کہ دو صارفین کو ایک ٹیبل پر بیٹھنے کی اجازت دی جائے یا کئی افراد کو بیٹھنے کی اجازت دے جائے۔ اس طرح کے واضح کنٹرول کو مدنظر رکھنا ضروری ہے جو وائرس سے بچنے میں تحفظ فراہم کرتا ہو اور کونسل اس کا فیصلہ کرے گی تاہم اس کا فیصلہ فوری اجازت نہیں ہے اور اس میں صرف ریستوراں اور کیفے میں بیٹھنے کی اجازت کی تاریخ شامل ہے تاکہ ان سہولیات کی تیاری خدمات فراہم کرنے اور تمام کارکنوں کو ویکسین موصول ہونے کی ضروریات مکمل ہوں۔
ذرائع نے زور دیا کہ تمام معاملات میں احتیاطی تدابیر کے مطابق دو میٹر کے فاصلے پر عمل پیرا ہونے کی ضرورت کے ساتھ ہاتھوں کی مسلسل صفائی کو برقرار رکھنا ضروری ہے۔