کویت اردو نیوز 21 دسمبر: کویت سے منظور شدہ ویکسین کی دو خوراکیں حاصل کرنے والوں کے لیے سفری پابندیاں عائد کرنے کے سلسلے کو واپس نہ دہرایا جائے۔ تفصیلات کے مطابق فیڈریشن آف ٹورازم اینڈ ٹریول آفسز کے سربراہ محمد المطیری نے حکومت سے مطالبہ کیا ہے کہ وہ کویت سے منظور شدہ ویکسین کی دو خوراکیں حاصل کرنے والوں کے لیے سفری پابندیاں عائد کرنے کے سلسلے کو واپس نہ دہرائیں بلکہ موجودہ سفری ضروریات کو برقرار رکھتے ہوئے صحت کے طریقہ کار پر عمل پیرا رہنا چاہئے۔
المطیری نے روزنامہ القبس کو بتایا کہ وزارتی کورونا ایمرجنسی کمیٹی کے اجلاس میں ملک میں صحت کی صورتحال سے ہم آہنگ رہنے کے لیے متبادل سفارشات سامنے آنی چاہئیں کیونکہ دنیا کے دیگر ممالک کے مقابلے کویت میں بہتر استحکام کی حالت دیکھی جا رہی ہے۔ انہوں نے وضاحت کی کہ ہوم قرنطین کے نفاذ میں ان لوگوں کو شامل نہیں کیا جانا چاہئے جنہوں نے منظور شدہ ویکسین کی "تیسری” بوسٹر خوراک حاصل کی ہے۔
انہوں نے اشارہ کیا کہ متعلقہ حکام کی کوششوں کی بدولت جنہوں نے اس بات کو یقینی بنایا ہے کہ کویت میں ویکسین لگانے کی شرح دنیا کے دیگر ممالک کے مقابلے ملک میں زیادہ ہے جس کی وجہ سے ملک معمول کی راہ پر گامزن ہے تاہم پہلے جیسے حالات پر واپس آنے سے معیشت کو نقصان پہنچے گا جو کہ ابھی ‘کوویڈ19 وبائی امراض کے نقصانات سے جوج رہی ہے۔
