کویت: العبدلی روڈ پر غیرملکی فیملی بدترین حادثے کا شکار ہو گئی

کویت اردو نیوز 02 مارچ: آج شام ابدلی روڈ پر ایک ایشیائی فیملی خوفناک ٹریفک حادثے کا شکار ہو گئی جس کے نتیجے میں باپ موقع پر جاں بحق ہو گیا جبکہ ہلاک ہونے والے غیرملکی شہری کی بیوی اور اس کے دیگر 3 بچوں کو الجہرہ ہسپتال منتقل کر دیا گیا۔

پبلک فائر سروس کے شعبہ تعلقات عامہ اور میڈیا نے کہا کہ ایک ایشیائی شہری آج بدھ کو ابدلی روڈ پر گاڑی الٹنے سے ہلاک ہو گیا اور اس حادثے کے نتیجے میں اس کی بیوی اور ان کے تین بچے زخمی ہوئے ہیں۔

انتظامیہ کا کہنا ہے کہ ابدلی سینٹر کے فائر فائٹرز نے جائے حادثہ پر پہنچ کر متوفی، اس کی بیوی اور ان کے بچوں کو باہر نکالا اور انہیں طبی ایمرجنسی کے حوالے کر دیا۔