دوران پرواز کویت ایئرویز میں ایک اور بچے کی پیدائش ہو گئی

کویت اردو نیوز 22 اگست: اگست میں دوسری بار، کویت ایئرویز کا عملہ پیشہ ورانہ اور ماہرانہ طور پر ہنگامی صورتحال سے نمٹنے میں کامیاب ہوا کیونکہ 21 اگست بروز اتوار نیویارک شہر جانے والی پرواز KU117 کے مسافروں میں سے ایک نے دوران پرواز ایک بچے کو جنم دیا۔

ایک مقامی عربی روزنامہ کی رپورٹ کے مطابق کویت ایئرویز نے کہا کہ کمپنی اپنے ملازمین کے لیے وقتاً فوقتاً دی جانے والی مربوط تربیت انہیں کسی بھی ناگہانی اور ہنگامی صورتحال کا سامنا کرنے کے لیے ہمیشہ تیار رکھتی ہے۔

خیال رہے کہ 2 اگست کو، ایئر لائنز نے اعلان کیا کہ کویت کے بین الاقوامی ہوائی اڈے سے فلپائن جانے والے اس کے ایک طیارے کے عملے نے ایک فلپائنی خاتون کو صحت مند بچے کو جنم دینے میں مدد فراہم کی تھی۔